АНУ-ын Мянганы сорилтын сан нь тус улсын иргэдийн хүч хөрөнгөөс боссон санхүүгийн хуримтлал гэж ойлгож болох юм. Энэхүү сангийн мөнгийг Мянганы сорилтын корпораци нь захиран зарцуулдаг бөгөөд голцуу хөгжлөөр хоцорч яваа улс орнууд руу чиглүүлдэг аж. Манай улсын хувьд энэхүү сангийн мөнгөнөөс хоёр дахь удаагаа хүртэх боломжтой болжээ. Тус корпорацийн гүйцэтгэх захирал Дэйна Ж.Хайд саяхан Монгол улсын Ерөнхийлөгч Ц.Элбэгдоржтой утсаар ярьж энэ тухай мэдэгдсэн байна. Тэрбээр, “Монголын ардчилсан хөгжлийг дэмжсэн хэрэг” гээд энэ удаагийн тусламжаа хувийн хэвшлийн хамтын ажиллагааг сайжруулах, бизнесийн орчинг таатай болгоход зориулна гэжээ. Энэ нь нэлээд судалгаа шаардсан ажил бөгөөд уг сангийн мөнгө хоёр жил орчмын дараа Монголд орж ирэх боломжтой ажээ.

Б.Баяр

Эх сурвалж: Tumen.mn