“Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл” сэдэвт ерөнхий хяналтын сонсгол өнөөдөр (2025.02.03) Төрийн ордонд болж байна.

СОНСГОЛД ОРОЛЦОГЧДЫН АСУУЛТАД БОАЖУА-ЫН САЙД С.ОДОНТУЯА ДАРААХ БАЙДЛААР ХАРИУЛТ ӨГЛӨӨ :

-Агаарын бохирдлыг бууруулах Үндэсний хороо өмнө хийгдсэн ажлуудын гол алдаа, сургамж нь юу байв, цаашид салбар хоорондын уялдааг хэрхэн хангах вэ гэдэгт анхаарч, бүх шатанд судалгаа хийлээ. Өнөөдрийн байдлаар Улаанбаатар хотод 200 000 тонн түүхий нүүрс түлж байна. Үүнийг удахгүй шийднэ. УИХ, Засгийн газар, ард иргэдтэйгээ нийлж, энэ асуудлыг шийдэхгүй бол гамшгийн хэмжээнд хүрсэн. Тал талд уялдаагүй гарч байгаа шийдвэрийг Үндэсний хороо нэгтгэж, салбар дундын уялдаа холбоог хангаж байна. Дэлхийн улс орнууд утааг хоёр аргаар л шийдсэн.

Тодруулбал, улс орнууд утаанаас салахдаа цахилгаан эсвэл хийг л ашигласан байдаг. Хий бол импортоос хамааралтай тул цахилгаанаар шийдэх нь хамгийн зөв шийдэл болно. Зуух, түлш бол зөвхөн богино хугацаанд хэрэглэж болохоос 21-р зуунд хоцрогдсон арга. Цахилгаан станцууд олноор барих нь хамгийн зөв шийдэл.

Урт хугацаанд орон сууцжуулах, цахилгаан, газан хэрэглээнд шилжихээс өөр сонголт байхгүй. Газ импортын хамааралтай учраас цахилгаан руу бүх хөрөнгөө зарж, цахилгаан станцуудаа олноор барих ёстой. Гэр хорооллын иргэд орон сууцанд ороход ипотекийн зээл хангалтгүй, маш өндөр хүүтэй, хүн бүр авч чадахгүй байна. Үүнд том реформ хэрэгтэй. Хөрөнгө мөнгөө урт хугацаанд зарж, орон сууцжуулах ажлаа хийгээч, ипотекийн зээлээ шийдэж, гэр хороололд цахилгааны үнийг хямдруулаач гэдэг иргэдийн бүх шаардлагатай санал нэгдэж байна гэж