“Ногоон автобус”-ны гэх дуулиант хэрэг эцэслэн шийдэгдлээ. Уг хэрэгт 24 хүнийг холбогдуулан шалгаж байсан бол шүүхээс 15-ыг нь шүүхээс буруутай гэж үзсэн юм. Уг нь “Ногоон автобус”-ны хэрэгт “Түгжрэл”-ийн сайд асан Ж.Сүхбаатар нарын төрийн өндөр дээд алба хашиж байсан хүмүүс холбогдсон ч цагаадсан юм.

Үүнээс “Тэнүүн-Огоо” ХХК-ийн гүйцэтгэх захирал асан А.Ганхуяг. Нийтийн албан тушаалтан эрх мэдээ урвуулан ашиглах гэмт хэрэг үйлдэхэд тэр хатгагч болсон. Энэ нь нэг удаа биш хоёр удаагийн үйлдэл байсан. Мөн залилах гэмт хэрэг үйлдсэн болох нь нотлогдсон. Мөн автобус худалдан авахаар сонгон шалгаруулалтын ажлын хэсэг байгуулсан. Энэ ажлын хэсгийн гишүүд болох Бямбасүрэн, Түмэнжаргал, Баярсүх нарыг гэм буруутай гэж үзэв. Тэд нийтийн албан тушаалтан эрх мэдэл, албан тушаалын байдлаа урвуулан ашиглаж бусдад давуу байдал бий болгоход нь гүйцэтгэгчээр оролцсон гэж шүүх дүгнэв.

Нийслэлийн нийтийн тээврийн газрын дарга асан С.Жавхлантбаатарыг мөн энэ гэмт хэргийн хатгагч, хамжигч гэж үзсэн. Чойжилсүрэн, Эрдэнэбат, Цогбадрах нарыг нийтийн албан тушаалтан эрх мэдэл, албан тушаалын байдлаа урвуулан ашиглаж бусдад давуу байдал бий болгоход нь хатгагчаар, нийтийн албан тушаалтан эрх мэдэл, албан тушаалын байдлаа урвуулан ашиглаж бусдад давуу байдал бий болгоход нь хамжигчаар оролцсон гэх мэт үндэслэлээр ялласан. Харин Сүхбаатар, Лувсандагва, Баярмаа, Хонгорзул, Дөлгөөн, Хадбаатар Мөнхболд нар нийтийн албан тушаалтан эрх мэдэл, албан тушаалын байдлаа урвуулан ашиглаж бусдад давуу байдал бий болгоход нь гүйцэтгэгчээр оролцсон хэмээн буруутгасан.

Үүнээс гадна БНСУ-ын нэр бүхий хоёр шүүгдэгчийг залилах гэмт хэрэг үйлдсэн байж болзошгүй гэж үзэн прокурорын байгууллагаас яллах дүгнэлт үйлджээ. Гэвч шүүгч тэдний үйлдлийг залилах гэмт хэргийн шинжгүй гэж үзэн хэргийг хэрэгсэхгүй болгосон. Учир нь прокурор автобус үйлдвэрлэсэн компанийн албан тушаалтнуудыг дуудан ирүүлж шалгасан. Гэвч яллах дүгнэлт үйлдэж хэргийг шүүхэд ирүүлээгүй. Прокурор эрх хэмжээнийхээ хүрээнд тэднийг шалгаад хэргийг хэрэгсэхгүй болгож шийдвэрлэсэн гэсэн үг. Харин автобус худалдан авах ажилд тээвэр болон зуучлалын үйлчилгээ үзүүлсэн компаниудын захирлыг залилах гэмт хэрэгт хамтран оролцсон байж болзошгүй гэж үзэн яллах дүгнэлт үйлдэн хэргийг шүүхэд шилжүүлжээ. Шүүх тэдний үйлдлийг тал бүрээс нь хянан хэлэлцээд залилах гэмт хэргийн шинжгүй гэж үзсэн тул тэд буруугүй ажээ. Сонгон шалгаруулалтын ажлын хэсэгт орж ажилласан Нийслэлийн өмчийн харилцааны газрын албан тушаалтан М-ын үйлдлийг буруугүй гэж үзсэн.

Нийслэл Улаанбаатар хотын авто замын түгжрэлийг бууруулах Үндэсний хорооны дарга асан Ж.Сүхбаатарыг ажлын хэсэгт нөлөөлсөн байж болзошгүй гэж үзэн прокуророос яллах дүгнэлт үйлджээ. Түүнийг нөлөөлсөн тухай Нийслэлийн нийтийн тээврийн газрын дарга асан С.Жавхлантбаатар мэдүүлсэн ч энэ нь тогтворгүй, эргэлзээтэй, өөр нотлох баримт хангалтгүй байсан тул хэргийг хэрэгсэхгүй болгож буйгаа шүүгч тайлбарлав.

А.Ганхуягт нийтийн албанд томилогдох эрхийг 3 жилээр хасаж, 3 жил хорих ял. Мөн залилах гэмт хэрэгт нь 3 жил хорих ял.

н.Бямбасүрэн, н.Түмэнжаргал, н.Баярсүх нарт 2 жилийн хугацаанд нийтийн албанд ажиллах эрхийг хасаж, 2 жилийн хугацаар зорчих эрхийг хязгаарлах ял.

н.Эрдэнэбатад 2 жилийн хугацаагаар нийтийн албанд ажиллах эрхийг хасаж, 2.6 жил зорчих эрхийг хязгаарлах ял

С.Жавхлантбаатарт нийтийн албанд ажиллах эрхийг 4 жил хасаж, 3 жилийн хорих ял

н.Чойжилсүрэнд 2 жил нийтийн албанд ажиллах эрхийг хасаж, 2.6 жил зорчих эрхийг хязгаарлах ял

н.Цогбадрахад, Лувсандагва, Баярмаа, Дөлгөөн, Хадбаатар нарт 2 жил нийтийн албанд ажиллах эрхийг хасаж, 2 жил зорчих эрхийг хязгаарлах ял

Сүхбаатар, Хонгорзул нарт 2 жил нийтийн албанд ажиллах эрхийг хасаж, 1 жил зорчих эрхийг хязгаарлах ял тус тус оноолоо.

Tumen.mn