5-р сарын хоёр дахь долоо хоногт Уул уурхайн бүтээгдэхүүний биржээр нүүрсний арилжаа муу хэвээр байна.

“Энержи ресурс”, "Эрдэнэс Тавантолгой" компанийн зүгээс хэд хэдэн удаагийн баяжуулсан коксжих нүүрс болон баяжуулсан дунд зэрэг үнстэй, хагас хатуу коксжих нүүрс, дэгдэмхий бодис дунд, коксжих нүүрс, эрчим хүчний нүүрсийг тус тус 5-р сарын 10-аас хойш арилжааны санал гаргасан ч худалдан авагч талаас санал ирүүлэлгүйгээр арилжааг хаасан байна.

Харин “Эрдэнэс критикал минералс” ТӨҮГ, “Эрдэнэт үйлдвэр” ТӨҮГ тус тус 52 хувийн төмрийн хүдэр, 22.35 хувийн зэсийг агуулгатай баяжмал арилжаалсан бол Хятадын хөрөнгө оруулалттай “Хангад Эксплорэйшн” ХХК баяжуулсан сул коксжих нүүрс хоёр удаагийн арилжаагаар борлуулжээ.