Оны эхний нэгдүгээр сард баяжуулсан коксжих нүүрсний тонн тутмын жигнэсэн дундаж ханш Ганцмод боомт дээр 122 ам.доллар байсан бол 2-р сараас ханш суларч 114 ам.доллар, 4-р сараас 8-р сар хүртэл 109 ам.доллар байсан билээ.

Харин 8-р сараас коксжих нүүрсний үнэ 121 ам.доллар болж өссөн бөгөөд баяжуулсан сул коксжих нүүрсний тонн тутмын жигнэсэн дундаж ханш 83 ам.доллар байснаас 4,5-р сард өсөж 85, 89 ам.доллар болсон бөгөөд 7-р сараас 95 ам.доллар руу буурч өнөөдрийн байдлаар уг үнээр борлуулагдаж байна.

Эрчим хүсний нүүрсний үнэ он гарснаас хойш тонн тутам нь 35 ам.долларын үнээр борлуулагдсаар 7-р сард 33 ам.доллар, 8-р сараас Ганцмод боомтод 37 ам.доллар, Мандал боомтод 46 ам.долларын үнээр арилжаалагдаж байна.