Уул уурхайн чиглэлээр үйл ажиллагаа явуулдаг төрийн өмчит 33 компанийг эгнээндээ нэгтгэсэн “Эрдэнэс Монгол” компани бол тэднээс татаас авч амь зуудаг байгууллага. Өөрөөр хэлбэл уул уурхайн компаниудын менежмент хийдэг гэх боловч олон жил үйл ажиллагаа явуулж ирсэн компаниуд “Эрдэнэс Монгол”-той Монголгүй ажлаа явуулдаг аж.

Гэтэл С.Наранцогт захирлын төсвийн мөнгөөр туйлдаг тухай мэдээлэл олон. Хамгийн наад захын жишээ гэхэд 2024 оны долдугаар сард болсон Монголын эдийн засгийн форумын үеэр тус уулзалтад зориулж, 11 ширхэг мандатын төлбөрт 11 сая төгрөгийг Богд банкны 8100003761 тоот дансанд шилжүүлж, 100 инчийн ухаалаг телевизийг Арина худалдааны төвөөс найман сая 999 мянган төгрөгөөр худалдан авсан бол УИХ-ын гишүүн Б.Чойжилсүрэнгийн төрсөн ах Б.Балдоржийн эзэмшлийн Новотел зочид буудал буюу Би Би Девелопмент Хотел компани руу 70 сая 590 мянган төгрөг тус тус шилжүүлсэн байна.

С.Наранцогт захирал энэ мэтээр төсвөөс том жижиг мөнгө хувийн хэвшил рүү гулгуулдгаа хэзээ болих юм бэ. Үүнээс гадна замын тендер будилуулна. Засвар үйлчилгээ, хэвлэл мэдээлэл нэрээр хувийн хэвшил рүү мөнгө шилжүүлсэн баримт гээд дурдаад байвал олон зүйл бий. Ингэхэд өөрийнхөөрөө үйл ажиллагаа явуулж байгаа компаниудаас татаас авч амьдардаг “Эрдэнэс Монгол”-ын хэрэг байна уу.

Tumen.mn