Үндэсний эрх чөлөө, тусгаар тогтнолоо сэргээн мандуулсны түүхт 114 жилийн ойг тохиолдуулан Монгол Улсын Ерөнхийлөгчийн зарлигаар эрхэлсэн ажил, салбартаа үр бүтээлтэй ажиллан, эх орныхоо хөгжил дэвшилд үнэтэй хувь нэмэр оруулж байгаа алба хаагчдыг төрийн одон, медалиар шагнагдсаныг өнөөдөр гардуулав.

Тодруулбал “Цэргийн гавьяаны улаан тугийн одон”-оор Онцгой байдлын ерөнхий газрын ахмад ажилтан, бэлтгэл хурандаа С.Амгалан, “Цэргийн гавьяаны одон”-оор 121 дүгээр ангийн захирагч, хурандаа А.Ариунбилэг, Үндэсний аврах бригадын ахмад ажилтан Б.Тэлмэн нарыг, “Цэргийн хүндэт медаль”-аар 09 дүгээр ангийн ахлах мэргэжилтэн, ахлах дэслэгч Г.Мөнхзул, мөн ангийн Эрэн хайх, аврах салбарын аврагч, ахлах ахлагч Г.Жамъян, НОБГ-ын мэргэжилтэн, ахлах дэслэгч О.Анхбаяр, Төрийн ордны гамшгаас хамгаалах тасгийн гал сөнөөгч, ахлах ахлагч Б.Мөнхтөр, Үндэсний аврах бригадын тэсэрч дэлбэрэх бодисоос хамгаалах бүлгийн дарга, дэслэгч Ж. Энх-амгалан, мөн бригадын аврагч-тэсэлгээчин, ахлах ахлагч Б. Болдбаяр, аврагч-хөгжимчин, ахлах ахлагч Д.Болдбаатар, аврагч-хөгжимчин, ахлах ахлагч Ж.Тамир, 121 дүгээр ангийн ахлах мэргэжилтэн, хошууч Э.Баярсайхан нарыг, “Хөдөлмөрийн хүндэт медаль”-аар 121 дүгээр ангийн оёдолчин Б.Гэрэл, Үндэсний аврах бригадын эрэлч нохойн сургалтын албаны нярав, ахлах ахлагч Н.Баасанжав нарыг, “Шударга журам медаль”-аар Нийслэлийн Онцгой байдлын газрын мэргэжилтэн, ахмад У.Тамир, ҮАБ-ын агаарын ажиллагааны салбарын бүлгийн дарга, шүхрийн зааварлагч, дэслэгч Э.Баярбат, мөн бригадын аврагч-химичин, ахлах ахлагч Б,Саруул нарыг тус тус шагналаа.

Түүнчлэн Монгол Улсын Шадар сайдын тушаалаар Онцгой байдлын албанд олон жил идэвх зүтгэл, үр бүтээлтэй ажилласан 13 алба хаагчийг Онцгой байдлын албаны “Тэргүүний ажилтан тэмдэг”-ээр, “Онц гал сөнөөгч тэмдэг”-ээр 13 алба хаагчийг тус тус шагнав.