Ерөнхий сайд Г.Занданшатар "Цэгцрэх хөдөлгөөн" подкастын 2 дахь дугаарт эрчим хүчний хомсдолын эсрэг Засгийн газраас ямар бодлого хэрэгжүүлэх талаар байр сууриа илэрхийлжээ. Монгол Улсад бага оврын атомын цахилгаан станц барих үр ашгийн тооцоолол хийхийг холбогдох албан тушаалтнуудад үүрэг болгосон юм байна. Байгаль орчинд ээлтэй, өндөр үр ашигтай байх зарчимд суурилах ажээ.

Казахстан улс зөвлөлдөх ардчиллын зарчмаар ард иргэдээсээ санал асуулга явуулж атомын цахилгаан станцын төсөл амжилттай хэрэгжүүлсэн бодит жишээ байдаг.

Юутай ч Ерөнхий сайд Г.Занданшатарын Засгийн газар олон жил яригдсан ч ажил хэрэг болж чадаагүй бага оврын атомын цахилгаан станцын үр ашгийн тооцооллыг гаргахаар болжээ. Энэ бол салбарын эрдэмтэн, мэргэжилтнүүдийн олон жилийн мөрөөдөл, Монгол Улсын эрчим хүчний тусгаар тогтнолыг хангаад зогсохгүй эдийн засаг, нийгмийн хөгжилд ташуур өгөх чухал ач холбогдолтой.