НИТХ-аар Гандантэгчэнлин хийд орчмыг цэцэрлэгт хүрээлэн болгох асуудлыг хэлэлцэж тогтоол баталлаа.

Гандан орчмын 55 га газарт 1800 айл суурьшиж байгаа бөгөөд нийт 700-800 нэгж талбарыг бүхэлд нь чөлөөлж, нийслэлд хамгийн томд тооцогдох жишиг цэцэрлэгт хүрээлэн байгуулахаар төлөвлөж, оршин суугчдыг нүүлгэн шилжүүлэх ажил эхлээд байгаа юм.

Эхний ээлжид Гандангийн дэнжийн зүүн хэсэг орчмын 2.2 га газрыг чөлөөлж, ногоон байгууламж бүхий жишиг гудамж байгуулна. Энэ хэсгийн газар чөлөөлөлтөд 5600 гаруй айл өрх хамрагдах бөгөөд газар чөлөөлөлтөд 60 тэрбум төгрөг зарцуулахаар төлөвлөсөн байна. Зүүн хэсгийн нэг метр квадрат газрыг 1.2 сая төгрөгөөр үнэлж, газар чөлөөлөлт хийж байна.