Ашигт малтмалын газрын дарга асан Г.Алтансүхийг өнгөрсөн оны хавар ажлаас чөлөөлсөн юм. Засгийн газрын энэхүү шийдвэрийг үндэслэлгүй гэж үзээд Г.Алтансүх шүүхэд гомдол гарган Засгийн газрын тогтоолыг хүчингүй болгуулахыг хүссэн байв. Дүүргийн иргэний хэргийн анхан шатны нэгдүгээр шүүх  энэ асуудлыг авч хэлэлцээд  ажлаас хууль бусаар халсныг тогтоожээ. Мөн нэхэмжлэлд дурьдсанаар түүний ажилгүй байсан хугацааны цалинг нөхөн олгуулахаар болсон байна. Харин нэхэмжлэлд уг албан тушаалдаа эргэн томилогдох хүсэлтээ илэрхийлээгүй тул зөвхөн тэдгээр асуудлыг нь шүүхийн тогтоолоор зааж өгчээ.

Б.Баяр

Эх сурвалж: Tumen.mn