МҮОНРТ-ийн  Үндсэний зөвлөлийн гишүүдийг нөхөн сонгох, Гүйцэтгэх захирлыг солих ажил нэлээд сүр дуулиантай өрнөж, энэ тухай яриа одоо ч бүрэн намжаагүй байна. Тэгвэл саяхан Үндсэний зөвлөлийн хурлынхаа  бичлэгийг хуулж авах нэрийдлээр тус зөвлөлийн дарга Л.Пүрэвдорж нь “Дата” төвийн дарга гэх З.Энхболдыг дагуулан ММ агентлагийн архивт хүч түрэн оржээ. Тэднийг хэн ч саатуулж чадаагүй аж. Тэд давхиж ороод хурлынхаа бичлэгийг хуулж авсан уу, эсвэл өөр зүйл эрж хайсан уу, ямартай ч гурван цаг орчим баахан том дуугарч байгаад гарч явцаасан байна.  Энэ үеэр  З.Энхболд нь “Би хасаг тагнуулч хүн. Та нарын бүх зүйлийг хянаж байдаг” хэмээн  зандарч байжээ. Харин Л.Пүрэвдорж нь “Энэ талаар би хөдөө явж ирээд тайлбар хийнэ” гэсэн байна.

Б.Баяр

Эх сурвалж: Tumen.mn