Монголд  хөгждөггүй салбаруудын нэг нь Эдийн засгийн чөлөөт бүсүүд ажээ. Сүүлийн 15 жилийн турш  хөгжүүлэх гээд чадсангүй. Энэ тухай УИХ-ын чуулган дээр Д.Лүндээжанцан гишүүн “Би сүжиг алдарсан. 15 жил яриад үр ашиг гарсангүй” гэж байв. Чөлөөт бүсийн тухай хуулийн шинэчилсэн найруулгын анхны хэлэлцүүлгээр иймэрүү гундуухан үг унагах гишүүн олон байлаа. Улсын төсвөөс чөлөөт бүсийг  хөгжүүлэхээр Замын-Үүдэд 66 тэрбум, Алтанбулагт 22, Цагаан нуурын чөлөөт бүсэд 1.4 тэрбум төгрөг  зарцуулжээ. Нийтдээ 90 гаруй тэрбум гэсэн үг. Энэ бол бага мөнгө биш. Гэтэл олигтой юм хийгдсэнгүй. Замын-Үүдийн чөлөөт бүс  нь Өвөрмонголын Эрээн хотоос  хэдэн арван жилээр хоцорч явааг тэнд очсон хүн бүхэн мэдэх биз. Мөнгө “уудаг” ийм бүс нутаг цаашдаа хэрхэн  хөгжих нь  шинэчилсэн хуулиас ихээхэн шалтгаалах бололтой.

Б.Баяр

Эх сурвалж: Tumen.mn