Банк, шатахуун түгээх станц руу  дээрэмчид халдсаар байна. 2015 он гарсаар шатахуун түгээх станцад халдсан, таксины жолоочийг дээрэмдэн амийг нь хөнөөсөн, хятад иргэдийг дээрэмдэж хороосон хэргүүд  ар араасаа цуварсаар байгаа. Өнгөрсөн бямба гарагт Капитрон банкны “Сандэй”  тооцооны төвийн байранд мөн халдлага гарчээ. Тэнд 30 орчим насны нэг залуу дайран орж 20 орчим сая төгрөг дээрэмдэн зугтахыг оролджээ. Харин хамгаалагч нь шаргуу ажиллаж, түүнийг саатуулж, дээрэмдсэн мөнгийг  хураан авсан байна. Банк дээрэмдэх гээд бүтэлгүйтсэн этгээд  нүүрээ даавуугаар ороож битүүмжилсэн байжээ. Цагдаагийнхан түүнд эрүүгийн хэрэг  үүсгэн  шалгаж байна.

Б.Баяр

Эх сурвалж: Tumen.mn