Шударга өрсөлдөөн хэрэглэгчийн төлөө газрын улсын байцаагчид 21 аймагт ажиллахаар болжээ. Орон нутагт Өрсөлдөөний тухай хууль, Хэрэглэгчийн эрхийг хамгаалах тухай хууль зэрэг нь бараг хэрэгждэггүй. Тиймээс эдгээр хуулийн хэрэгжилтийг сайжруулах, орон нутгийн иргэдийн гомдлыг газар дээр нь шуурхай шийдвэрлэж өгөх зорилгоор энэхүү ажиллагааг хэрэгжүүлэхээр болсон байна. Байцаагчид шинэ хүмүүс бус өмнө нь уг чиглэлээр ажиллаж байсан туршлагатай хүмүүс аж. Тэдэнд өнөөдөр улсын байцагчийн эрхийг олгосноор, орон нутагтаа очоод үйл ажиллагаа эхлүүлэх аж.

Т.Болор