Ирэх намрын чуулган ердөө 7 хоногийн дараа эхлэх бөгөөд хэлэлцэх хамгийн эхний асуудал нь Засгийн газрын шинэ бүтэц байлаа.

Энэхүү шинэ бүтэц дээр гал гаргаж цахиур хагалах хүмүүсийг УИХ-ын дарга З.Энхболдоор толгойлуулж УИХ-ын дэд дарга Л.Цогоор дэмжүүлсэн УИХ-ын гишүүн Х.Баттулга, М.Зоригт, Д.Батцогт, Л.Эрдэнэчимэг, С.Одонтуяа, О.Баасанхүү, Г.Уянга, Р.Амаржаргал, Р.Бурмаа, Ж.Батзандан, С.Ганбаатар нарын 13 гишүүн МАН-тай хүч хавсран үг яриа нийлж байгаа талаар сайтууд шуугиж эхэллээ.

Гэвч өчигдөр болсон УИХ-ын даргын дэргэдэх зөвлөлөөр Засгийн газрын бүтэц хэлэлцэх талаар ямар нэгэн яриа гараагүй бөгөөд УИХ-ын намрын чуулганаар хэлэлцэх асуудлын дарааллыг батлаж гаргасан байна. Үүнд ЗГ-ын бүтэцийн тухай ямар нэгэн зүйл заалт орсонгүй.

Харин өнөөдрийн хэвлэлүүдээр яригдаад байгаа Элсний 13-ыг АН-ын зүгээс эргэлзээтэй байр суурь илэрхийлэн олон нийтийн хэвлэлүүдээр яриад байгаа гишүүддээ анхааруулга өгсөн мэдээлэл байж болзошгүй юм хэмээн таамаглаж байна.

Эх сурвалж: www.Tsag.mn