УИХ-ын  даргын зүгээс гишүүдэд төрсөн өдрөөр нь мөнгөн аяга, хадагтай бэлэглэдэг уламжлал тогтоод багагүй хугацаа өнгөрлөө. Тодруулбал, 50, 60, 70 нас хүрсэн гишүүдэд төрсөн өдрөөр  нь мэндчилгээ дэвшүүлж, мөнгөн аяга бэлэглэдэг. Энэ жишгээр саяхан М.Зоригт гишүүн төрсөн өдрөөрөө мөнгө аягаа бэлгэнд авсан.

Харин хэдхэн хоногийн өмнө  С.Бямбацогт гишүүний төрсөн өдөр тохиож,  40 нас хүрлээ. Харин тэрбээр төрсөн өдрөөрөө ангийн нөхөр М.Зоригтоо УИХ-ын даргаас мөнгөн аяга авч байгааг хараад тэгсэн үү, хурдхан  50 хүрч мөнгө аягаа бэлгэнд авах юмсан гэж жиргэсэн юм.

Тэгвэл үүнийг уншсан УИХ-ын дарга З.Энхболд “Уучлаарай төрсөн өдрийг нь өнгөрөөсөн байна. Нөгөөдөр ирж мөнгөн аягаа аваарай. 50, 60, 70 насан дээр 40 нас нэмэгдсэн” хэмээн хариу жиргэсэн. Ингээд хэлсэнийхээ дагуу өнөөдөр түүнд мөнгөн аяга, хадаг гардуулжээ.

Тэгвэл энэ жиргээнээс Д.Дагвадорж аварга “дутсангүй”. С.Бямбацогт, З.Энхболд нар аа минийх тун удахгүй болно шүү хэмээн санууллаа.
С.Бямбацогт гишүүний хувьд өөрийн төрсөн өдрөөрөө Ховд аймагт ажиллаж байсан бөгөөд өөртэй нь нэг өдөр төрсөн эх, хүүхдүүдийг баярлуулжээ.