Энэ мэдээ хуучирсан буюу 2015/04/23-нд нийтлэгдсэн мэдээ болно.

“Босоо хөх Монгол”-ынхон “Манай улсад байгаа бол мөнгө төл” хэмээн Хятад иргэдийг зоджээ

“Босоо хөх Монгол” бүлгэмийн гишүүдийн  энд тэнд танхайрсан, бусдыг айлган сүрдүүлсэн гэх мэдээлэл цахим хуудсуудаар үе үе гарах боллоо. Бурхан Халдун ууланд явж байсан өмнөд Монголын иргэдийг өмнөө сөрүүлж суулган дарамталсан гэдэг мэдээллийг харин тэд няцааж “Бид дарамтлаагүй” гэж байв. Харин саяхан тус бүлгэмийн гишүүн гэгддэг Х.Алтанзаяа, Б.Булганбаяр нар Налайх дүүргийн нутаг дэвсгэрт үйл ажиллагаа явуулдаг Хятад иргэдийн тоосгоны үйлдвэр зэрэг аж ахуйн нэгжүүдэд очиж, тэд нараас мөнгө нэхэж, “Та нар манай улсын нутагт ажиллаж  байгаа бол мөнгө төлөх ёстой” гэх зэргээр айлган сүрдүүлж,  мөнгө өгөхийг шаарджээ. Мөн зарим иргэдийг нь зодсон байна. Тэдний зодооноос болоод арав орчим хүн биедээ хөнгөн гэмтэл авчээ. Нэг удаа тэднийг Хятадуудтай зодолдож байхад цагдаа нар очиж салгах гэж оролдоход өөдөөс нь эсэргүүцэл үзүүлсэн байна. Тэдэнд одоо Налайх дүүргийн цагдаагийн хэлтсээс эрүүгийн хэрэг үүсгэн шалгаж эхэлжээ. Х.Алтанзаяа, Б.Булганбаяр нар урьд нь бас Хан-уул дүүргийн цагдаа нарт иймэрхүү хэргийн улмаас шалгагдаж байжээ.

Б.Баяр 

Эх сурвалж: Tumen.mn

Дундговь аймгийн ИТХ-аас Ерөнхийлөгчид хандан Ц.Мөнхбаярыг уучлахыг хүсэв
Дундговь аймгийн ИТХ-аас Ерөнхийлөгчид хандан Ц.Мөнхбаярыг уучлахыг хүсэв
 
Н.Учрал: Технологийн дэвшил ашиглан дуу хоолойгоо хүргэж байна
Н.Учрал: Технологийн дэвшил ашиглан дуу хоолойгоо хүргэж байна
Энэ мэдээ хуучирсан буюу 2015/04/23-нд нийтлэгдсэн мэдээ болно.