Хорь шахам хоног эсэргүүцлийн суулт хийж байгаа “Монгол шуудан” компанийн ажилчид тэмцлийн өөр хэлбэрийг сонгооор болжээ. Тэд ТӨХ-ны шийдвэрийн эсрэг өлсгөлөн зарлана гэв. Саяхан  ТӨХ-оос тус компанийн захирал Ц.Батсайханыг ажлаа хүлээлгэн өгөхийг дахин шаарджээ. Ажилчид нь ТӨХ-ны түрүүчийн шийдвэр болон “Монгол шуудан” компанийн ТУЗ-ийн шийдвэрийг хууль бус гэж үзсэн юм. Гэвч дахин өнөөх хууль бус шаардлагаа өгч буйд “Шууданчид” тийнхүү   бухимджээ. “Монгол шуудан” компани өнгөрсөн жилүүдэд ашиг өндөртэй ажиллаж ирсэн гэж байгаа. Гэтэл Ц.Батсайханыг өөрчилж, оронд нь Онцгой байдлын ерөнхий газрын даргаар ажиллаж байхдаа  хэл ам, хэрүүл шуугиан дагуулсаар ажлаас чөлөөлөгдсөн Т.Дуламждоржийг томилох ажээ. Тиймээс “Монгол шуудан” компанийн ажилчид ТӨХ-г тэрхүү хууль бус шийдвэрээ цуцлахыг шаардаж, хэрвээ яаралтай арга хэмжээ авахгүй бол орон даяар ажил хаялт зарлаж, өлсөхөө мэдэгдэв.

Б.Баяр 

Эх сурвалж: Tumen.mn