Баянгол дүүргийн Татварын хэлтэст  татварын мөнгийг зувчуулсан хэрэг гарчээ. Тус хэлтсийн Мэдээлэл боловсруулалт, статистикийн хэлтсийн даргаар ажиллаж байсан н.Буянжаргал гэгч нь ийм хэрэгт холбогдсон байна. АТГ-аас энэ хэргийг  шалгаж саяхан прокурорт шилжүүлжээ. Буянжаргал нь албан тушаалаа урвуулан ашиглаж  2010-2011 онд  40 орчим  сая төгрөгийг  хувийн данс руу шилжүүлж авсан байв. Мөн эхнэрийнхээ компанийн данс руу ч татварын орлогын мөнгөнөөс шилжүүлж байсан байна. Ер нь тус дүүргийн татварын хэлтсийн мэдээлэл, бүртгэл хариуцсан ажилтнууд  аж ахуйн  нэгжүүдийн татвар төлөлтийн талаар худал мэдээлэл оруулдаг  байжээ. Тэдгээр хүмүүсийн  нэг нь Буянжаргал байсан гэдгийг эх  сурвалжууд бас хэлж байна. Татвараа илүү төлсөн компаниудын  мөнгөнөөс өөр компанийн   татвар төлөлтийн бүртгэлд авч бүртгэж байсан нь мөн нотлогдож байгаа ажээ.

Б.Баяр 

Эх сурвалж: Tumen.mn