“Ийм нэгэн дурлал” уран сайхны киноны Бүжингийн дүрээр үзэгчдийн танил болсон жүжигчин Б.Баярмаатай ярилцлаа. Хөгжилтэй, үзэгчдэд инээд бэлэглэсэн уран бүтээлд ихэвчлэн тоглодог жүжигчин бүсгүй энэ сарын сүүлчээр нээлтээ хийх гэж буй “Хуримын сюрприз” киноны гол дүрийг бүтээжээ.
-Та ихэвчлэн энхрий ялдам, эмэгтэйлэг бүсгүйн дүрийг бүтээдэг. Харин “Хуримын сюрприз” кинонд энэ тогтсон хэв мая гаа өөрчилсөн юм шиг харагдлаа?
-“Хуримын сюрприз” бол инээд-мийн кино. Би энэхүү кинонд өмнө нь бүтээсэн дүрүүдээсээ өөр зүйл харуу-лахыг хичээсэн. Эршүүд, амьдралын төлөө тэмцдэг, зоригтой эмэгтэйн дүр бү тээлээ. Хамтран тоглосон уран бү тээлчид ч их тусаллаа. Жүжигчид найруулагчдын хэлснээр дүрээ бүтээхийн тулд их ажилладаг. Харин энэ бүтээлд тоглох доо би найруулагчаасаа асууж, бас өөрөө дүртэйгээ илүү ажил ласан. Кино зохиолын зарим бичвэрийг нь ч зассан.
-Инээдмийн төрлийн кино болохоор үзэхэд хөгжилтэй бүтээл болсон болов уу?
-Хурим гэхээр хүмүүс цагаахан, сайхан зүйлийг төсөөлдөг. Энэ бүтээлд хурим хийхийн хажуу гаар болдог хөгжилтэй, адар маатай адал явдлын талаар өгүүлдэг. Инээдмийн сэдэвтэй кино учраас ийм уран бүтээлийг амьдруулах чадвар бүхий уран бүтээлчид оролцон тоглосон. Жүжигчин Б.Баатархүү, “Шинэ үе” продакшны жүжигчин Д.Оюунтуул, Р.Адьяа нарын туршлагатай уран бүтээлчид киног улам сонирхолтой болгосон гэж бодож байна.
-Жүжигчний мэргэжил эзэмшээд багагүй хугацаа өнгөрчээ. Өөрийгөө хэр туршлагатай болсон гэж бодож байна вэ?
-Сургуулиа дөнгөж төгсч байгаа оюут ныг бодвол туршлагатай. Бас өнгөр сөн хугацаанд нэлээд уран бү-тээлд дүр бүтээж, найруулагчидтай хамт ран ажиллалаа. Тэр болгонд бага ч атугай туршлага хуримтлуулсан гэж бод дог. Гэхдээ надад сурах зүйл маш их бий.
-Та өнгөрсөн хугацаанд голдуу дэлгэцийн бүтээлд тоглосон. Жүжигчид тайзны бүтээлд тоглох нь дэлгэцийнхээс ялгаатай гэдэг. Ер нь танд тайзны уран бүтээлд тоглох бодол бий юү?
-Сүүлийн үед тайзны бүтээлд тоглох юмсан гэх бодол төрөх болсон шүү. Продакшнуудаас “Манайд ажиллаач” гэсэн санал ирдэг. Энэ талаар хамтран ажилладаг уран бүтээлчид, найруулагчдад хэлэхэд“Дэлгэцийн уран бүтээлийн гол дүрийг бүтээж байгаад дахиад эхнээс нь эхлэх амаргүй. Харин хэн нэгэн уран бүтээлч шинэ жүжиг тавихаар болоод чамайг уривал өөрийгөө сориод үзэхэд буруудахгүй” гэсэн зөвлөгөө өгдөг. Тэр үед тайзны бүтээлд тоглох боломж гарах байх. Бас аль нэг продакшны жүжигчин болъё гэж бодох болсон.
-Аль продакшнд оръё гэж бодож байна вэ?
-Жүжигчин Г.Нарансолонго про-дакшн даа орох санал тавьсан. Ер нь “Эмоци”, “X ТҮЦ” продакшныхантай илүү ойр дотно байдаг. Би кино урлагтаа хайртай болохоор, бас уран бүтээлийн алдаж боломгүй сайхан санал ирэхээр энэ хүрээнээс гарахыг яарахгүй юм. Гэхдээ дэлгэцийн уран бүтээлээ түр хойш нь тавиад хоёр жил тайзны уран бүтээлд тоглоно гэж боддог.
-Продакшнд харьяалагдахаар хошин урлагийн тоглолтод оролцох байх. Гэтэл таныг тийм дүр бүтээж байсныг огт санахгүй юм?
-Тийм шүү. Би тийм дүр бүтээж байгаагүй. Тиймээс л надад хүн инээлгэх хэцүү юм шиг санагддаг. Хошин урла гийн жүжигчид өөрийн гэсэн өнгөтэй байдаг. Түүнийг нь үзэгчид анддаггүй. Жүжигчид нь ч гэсэн дүрээ яаж гар гавал хүмүүс илүү хүлээж авах уу гэдгийг мэддэг болчихсон бай даг. Тоглолтын хувьд ч илүү задгай, өөрөөрөө тоглодог юм шиг харагддаг юм.
-“Эмоци” гэснээс таны бие давхар зургийг жүжигчин Г.Нарансолонго фэйсбүүктээ тавьснаас хойш“Баярмаа дөрөв дэх хүүхдээ өлгийдлөө. Алдарт эхийн одонгоо авлаа” гэх болсон. Гэтэл тантай уулзахад хүүхэд төрүүлсэн шинж огт алга?
-Тэр киноны зураг байсан. Түүнээс хойш намайг зарим хэвлэл мэ-дээл лийнхэн дөрвөн хүү-хэд тэй гэж бичдэг болсон шүү дээ. /инээв/
-Жүжигчид “Дүрээсээ гарч чадахгүй байна” гэдэг. Танд тийм зүйл тохиолдож байв уу?
-Би хэлмэгдүүлэлтийн үеийн тухай өгүүлдэг “Мойлхон” кинонд тоглож байсан. Тэр кинонд ганцаараа хүүхдээ хээр төрүүлж байгаа эмэгтэйн дүр бүтээдэг. Киноны зураг авалт бүрийг нутгийн иргэд ирж үздэг байв. Хүмүүс намайг уйлахаар дагаад бүгд уйлчихна. Түүнийг нь хараад би дагаад уйлчихдаг байсан. Тэр дүрдээ орчихоод гарч чадахгүй цаг шахуу уйлж байсан шүү. Киноны зураг авалтыг тийм нөхцөлд авсан болоод ч тэр үү хэнтийнхэнтэй одоо ч гэсэн холбоотой байдаг. Нутгийн хөгшчүүл намайг очихоор их сайхан хүлээж авдаг. Хэнтий аймгийн Дадал суманд кино зураг авахын тулд бараг хоёр сар тэнд амьдарсан даа.
-Олны танил урлагийн бүсгүйчүүд хувийн бизнес эрхлэх болжээ. Танд тэдэн шиг хувиараа эрхэлдэг бизнес бий юү?
-Өнгөрсөн жилээс өөрийн гэсэн дэлгүүртэй/путк/ болох юмсан гэж бодсон. Гэтэл ажил, амьдрал гэж яваад өдийг хүртэл хэрэгжүүлээгүй л явна.
-Та багадаа бүжгээр хичээллэж, загварын тайзан дээр алхаж байсан. Одоо тэр авьяасаа хөгжүүлээд дахин өөрийгөө сориод үзэх бодол байхгүй юу?
-Монголд шоу нэвтрүүлэг хөгжиж байна. Тийм болохоор яагаад болохгүй гэж. Бас хүн өөрөө л хичээх юм бол аль ч салбарт хүч сорих боломжтой бол жээ. Би багадаа бүжиглэдэг байсан бо лохоор заримдаа бүжиглэмээр санагдах үе бий. Тийм үедээ найзууд-тайгаа бүжгэнд ордог. Хэрвээ намайг хэн нэгэн дизайнер тоогоод санал тавивал би дуртай хүлээж авна. -Хүн үргэлж шинэ зүйлийг эрэлхийлж байдаг. Танд ч гэсэн энэ их ажлын хажуугаар хийхийг хүсдэг зүйл байдаг биз дээ? -Гадаадын орнуудаар аялах юмсан гэж сүүлийн үед боддог болсон. Охид маань ч нэг үеийг бодвол том боллоо. Тийм болохоор эмээ өвөөд нь орхиод аялах бодол бий.
-Тийм болоод л та сүүлийн үед стилиэ өөрчлөөд байна уу. Саяхан л урт үстэй байсан?
-“Рэкет” кинонд тоглох гээд стилиэ бага зэрэг өөрчилсөн. /инээв/
-Та фэйсбүүкийн найзуудтайгаа идэвхтэй харилцдаг. Саяхан таны хүүхдүүдийнхээ талаар бичсэн нэгэн сэтгэгдлийг олон хүн уншсан. Чухам яагаад тийм сэтгэгдэл бичих болов?
-Түүнийг их бодож байгаад бичсэн. Хамгийн их эмзэглүүлсэн зүйл нь манай хүүхдүүдийг “Ямар царай муутай юм бэ” гэсэн нь миний сэтгэлийг өвтгөсөн. Ямар ч ээж үр хүүхдийг нь тэгж хэлэхээр эмзэглэнэ биз дээ. Манай том охин гуравдугаар ангид сурдаг болохоор өөрсдийнх нь талаар бичсэн тэр зүйлийг олоод уншчих вий дээ гэж санаа зовох юм. Охид бага насандаа их эмзэг болдог. Яг үнэнийг хэлэхэд уншаад их уур хүрсэн. Гэхдээ миний бичсэн сэтгэгдлийг хүмүүс нааштайгаар хүлээж авсанд их баярласан.
-Эмэгтэй хүн хүүхэд төрүүлснийхээ дараа биед нь өөрчлөлт гардаг. Харин таныг гурван хүүхэд төрүүлсэн мөртлөө галбираа алдаагүй байгааг хүмүүс их сонирхдог. Та ямар нэгэн дэглэм барьдаг уу?
-Хүмүүс намайг ямар нэгэн юм ууж, иддэг гэж ойлгодог. Гэхдээ надад зориуд хэрэглэдэг элдэв зүйл байхгүй. Хамгийн гол нь эмэгтэй хүн жирэм сэн байх хугацаандаа хамгийн их аз жаргалтай байх хэрэгтэй. Тэгвэл стрессгүй байна. Ер нь жин нэмдэг нэг шалтгаан стресс байдаг. Эмэгтэй хүнийг нөхөр, гэрийнхэн нь халамжлаад байхад санаа зовох зүйлгүй шүү дээ. Түүнчлэн биедээ хэрэгтэй хоол, хүнсний бүтээгдэхүүн хэрэглэх хэрэгтэй. Би бага охиноо төрүүлснийхээ дараа гурван сар “Herbalife” уусан. Ойр ойрхон хүүхэд төрүүлсэн болохоор надад уураг, кальци хэрэгтэй байсан юм. Тэгж уусан нь тус болж, эрүүлжсэн. Ер нь өдөр тутмын амьдрал хооллолтоо зохицуулчихад л болно доо.
-Эмэгтэй хүн бүр өөрийн гэсэн хоббитой, нүд унагадаг зүйлтэй байдаг. Танд тийм зүйл бий юү?
-Үнэртэй ус, туфль цуглуулдаг. Гоё туфль хараад нүд унагадаггүй эмэгтэй гэж үгүй байх.
-Гурван охиндоо хэр их цаг зарцуулж байна вэ?
-Охидоо эмэгтэйлэг, эмэгтэй хүний үнэ цэнийг мэдэрч өсгөхөд одооноос анхаарч хүмүүжүүлж байгаа. Түүнээс биш хувцас, ахуйн зүйлийг би нэг их чухалчилдаггүй. Ер нь өөрийнхөө үнэ цэнэтэйг мэддэг эмэгтэй хамгийн их хүндлүүлдэг. Хүний хайр халамжид байдаг. Хайранд өссөн хүн хүнийг хайрлаж чаддаг. Тиймээс охиддоо одооноос л анхаарал тавьж байна. Бас тэднийгээ хүүхдүүдтэй яаж тоглож, хэрхэн харилцаж байгааг их анзаардаг.
Б.Сэлэнгэ
