Засгийн газрын зүгээс орон сууцны урьдчилгаа төлбөрийг 10 хувь болгож, орон сууцны квадратад 80 ам.метр гэж босго тавьсныг өөрчлөх асуудлыг гаргаж тавиад байгаа. Тэд уг шийдвэрийг албан ёсоор хэрэгжүүлж эхлээгүй байж олон нийтэд ийм мэдээлэл цацсан нь иргэдийн хувьд хүлээлт үүсгээд байна. Барилга, хот байгуулалтын сайд Д.Цогтбаатар хэвлэлд өгсөн ярилцлагадаа “Засгийн газар орон сууцны урьдчилгаа төлбөрийг 10 хувь болгоно” гэсэн нь иргэдэд “баталгаатай ийм болгох нь” гэсэн ойлголтыг төрүүлээд байгаа юм.

Гэвч одоогоор орн сууцны урьдчилгаа төлбөрийг 10 хувь болгох асуудлаар Засгийн газар Монголбанкны саналыг авахаар хүргүүлээд байгаа аж. Монголбанкны зүгээс уг асуудлаар судалгаа хийж буй юм байна.

Дашрамд дурьдахад, Ерөнхий сайд Ч.Сайханбилэг маргааш орон сууцны хөтөлбөрүүд, Засгийн газраас цаашид авах арга хэмжээний талаар УИХ-ын чуулганы хуралдаанд мэдээлэл хийх юм.

Ц.Цацрал

Zaluu.com