Төв цэвэрлэх байгууламжийг хоёр хоног түр зогсооно Энэ сарын 15-ны өдөр төв цэвэрлэх байгууламж хоёр өдөр түр зогсолт хийнэ. Төв цэвэрлэх байгууламж насгүй болсон талаар сүүлийн үед амтай болгон ярьж байгаа. Тэгвэл энэ удаагийн түр зогсолтоор элэгдэж цоорсон хана бетоныг засаж янзлах ажээ. Энэхүү шийдвэрийг Нийслэлийн захирагчийн ажлын албанаас гаргаж Ус сувгийн удирдах газар мэдэгдсэн байна. Засвар хийх үеэр хүмүүсийн ам дамжин яригдаж байгаа шиг айл өрхүүдийн ахуйн хэрэглээний усыг хязгаарлахгүй, Туул гол руу ч бохир ус цутгахгүй байх юм байна. Харин Нийслэлийн захирагчийн ажлын албаны зүгээс иргэдээс засвар хийгдэх хоёр хоногт хувцас угаахгүй, усанд орохгүй байхыг хүсчээ.
Эх сурвалж: Tumen.mn
