“Бүх урлагийн дотроос бидэнд хамгийн хэрэгтэй нь кино урлаг юм” гэж нэгэнтээ В.И.Ленин хэлсэн гэдэг. Тэгвэл нөр их хүч хөдөлмөр, зүрх сэтгэлээ шингээн байж үзэгч биднийг инээлгэж, уурлуулж, уйлуулж, сэтгэлийн их таашаал өгдөг кино хэмээх энэ нүсэр ажлыг найруулагч, продюсер, жүжигчин, зураач, зураглаач, дууны найруулагч, нүүр хувиргагчидгүйгээр төсөөлөхийн аргагүй.
Тиймдээ ч манайд жил бүр кино урлагийн шилдэг уран бүтээлчдийг 18 номинацид тодруулж, шагнал гардуулдаг. Энэ жилийн тухайд Монгол улсад кино урлаг үүсч хөгжсөний 80 жилийн ой тохиож буй учир ойн хүрээнд зохиогдсн "Академийн дээд шагнал" гардуулах ёслол "Шангри-Ла" зочид буудалд хүндэтгэлийн арга хэмжээгээ өчигдөр зохиолоо .
"Mongolian Academy awards" наадмын шилдгийн шилдэг номинаци болох шилдэг киноны шагналыг УДЭТ-ын уран бүтээлч Г.Эрдэнэбилэг, Ц.Цэрэнболд нарын хамтран найруулсан дэлгэцийн анхны бүтээл "ААВ" кино шалгарсан байна.
Тэгвэл энэ үеэр шилдгээр шалгарсан номинациудыг танилцуулъя:
"Шилдэг кино” - “Аав” кино
“Шилдэг эрэгтэй дүр” - Ц.Цэрэнболд ("Аав" кинo)
“Шилдэг туслах эрэгтэй дүр” - Б.Баттөмөр ("Ээжээ надтай гэрлээч" кино)
“Шилдэг эмэгтэй дүр” - О.Долгор ("Ар хударга" кино)
“Шилдэг баримтат кино” - Зохиолч Г.Золжаргалын "Тавилан".
Энэ удаагийн наадамд “Өнөөдөр”, “Ар хударга”, “Аюултай харилцаа”, “Амьдрал нулимсанд дургүй”, “Сүүлчийн шөнө”, “Аав”, “Код”, “Тютю”, “Хүдэн”, “Донор”, “Учрал”, “Ээжээ надтай гэрлээч”, “Хүүхэлдэй”, “Үндэсний баялаг” уран сайхны кино, “Уулын эзэн”, “Эхт хүн”, “Эхийн сэтгэл”, “Хайр”, “Би түүндээ хайртай байсан” богино хэмжээний уран сайхны кино болон “Монгол Регби”, “Тайгын жимээр”, “Тавилан” баримтат кино тус тус өрсөлдсөн байна.
Дашрамд дурдахад, Шилдэг туслах эмэгтэй дүрээр тодорсон жүжигчин А.Цэгмид шагнал гардуулах ёслолын тайзнаас Холливүүдийн "Марко Поло" кинонд тоглох урилга хүлээн авсан тухайгаа хэллээ. Тэрбээр “Гуравхан хоногийн өмнө Марко Поло кинонд тэнцсэн тухайгаа мэдсэн бгөөд энэ сарын хорьдоор Холливүүдийг зорихоор болжээ.
Б.Хишигдэлгэр
