Өршөөл үзүүлэх тухай хуульд Монгол Улсын Ерөнхийлөгчийн тавьсан хоригийг Улсын Их Хурал хүлээн авсан. Энэ асуудлаар Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр хэвлэлд ярилцлага өгчээ. 

Тэрбээр “Улсын Их Хурал Ерөнхийлөгчийн хоригийг хүлээн авах тухай тогтоолын төслийг баталсан. Үүгээрээ Ерөнхийлөгчийн хоригт тусгагдсан Өршөөлийн тухай хуульд оруулах холбогдох  нэмэлт, өөрчлөлтийн төслийг УИХ-ын дэгийн тухай хуулийн 31.9-д заасны дагуу Хууль зүйн байнгын хороо боловсруулж, нэгдсэн чуулганаар батлуулах үүрэгтэй боллоо гэсэн үг.  

Харамсалтай нь Ц.Оюунбаатар гишүүнээр ахлуулсан Өршөөлийн хуулийн Ажлын хэсэг Ерөнхийлөгчийн хоригийг илт гуйвуулж, Үндсэн хууль, Дэгийн хуулийг зөрчсөн төслийг боловсруулж батлуулахаар Хууль зүйн байнгын хорооны хуралдаанд оруулж ирсэн” хэмээн ярьсан байна. 

Тэгвэл Монгол Улсын Ерөнхийлөгч Ц.Элбэгдорж энэ мэт асуудалтай холбоотойгоо тветтер хуудсаараа дамжуулж үзэл бодлоо илэрхийлжээ. Тэрбээр “Хоригоор тодруулга хүсчэээ.Хориг ирнэ,ирсэн ч яаж тойрохов гэсэн оролдлого хүндрэл үүсгэсээр http://politics.news.mn/content/222320.shtml … Хуулиар ийм л тодорхой.  

Нягтлан энэ тэр гэнэ үү. Авлигачид тийм адгийн.Бусдад хэргээ тохчихоод үлдсэнийг нь худалдаж авах гэдэг. Тиймээс аль алиныг нь өршөөж болохгүй.  Хоригийн хэлбэрийг авлаа.Агуулга нь үлдсэн. УИХ хоригт дурьдсан өршөөх эс өршөөх хэргүүдийг хуульд нэмэх ёстой. Хоригийн утга ч, хууль ч ийм юм” гэх мэтээр жиргэсэн байна. 

Н.Болд