Калифорнийн их сургуулийн Беркели дэх салбарт Монгол судлалын төвийг байгуулан, монгол хэл зааж эхэлжээ. Энэ үйл явдалтай холбогдуулан “Mongolian Celebration” арга хэмжээг Монгол сан, тус сургуулийн Зүүн Ази судлалын хүрээлэн, Сан Франциско дахь Монгол улсын Ерөнхий консулын газар хамтран зохион байгуулсан байна. Калифорнийн их сургуулийн Беркели хот дахь салбар нь 1935 оноос 1996 он хүртэл монгол хэл зааж байсан ба АНУ дахь Монгол судлалын гол төвийн нэг байжээ. Дэлхийн арван нэр хүндтэй сургуулийн нэг болох Беркелийн их сургуульд ийнхүү Монгол судлалыг дахин сэргээсэн нь АНУ-ын Монгол судлалын түүхэнд шинэ хуудас нээсэн үйл явдал болжээ

Х.Эрдэнэ