УИХ-ын түрүүчийн сонгуулиар жагсаалт гэгчийн буянаар гишүүн болох хувь дутсан хөгшин банкир Б.Мэдрээ Сүхбаатар дүүрэгт АН-аас нэр дэвших мандат өвөртлөөд байгаа. Тэрбээр эдгээр өдрүүдэд ард түмний дэмжлэгийг олж авахын тулд банкныхаа ажлыг умартан амь, наана там цаана гүйж яваа тухай эх сурвалжаас сонсов. АН-ын тулгын чулууг 1989 онд тавилцаж явсныг мэдэх нэг нь мэднэ. Гэхдээ амар тайван амьдарч яваа хүнд улс төр хамгийн илүүц. Мөнгөний тоо сампинд цохиж явсан түүнийг "Мэдрээгийн мэдрэл зүгээрүү?" гэж олон нийт эдгээр өдрүүдэд хэлэлцэх болжээ. Чухамдаа, Б.Мэдрээ юу мэдэрсэн болоод тэтгэвэрт гарахын оронд Төрийн түшээгийн суудал руу махран байгааг мэдэх юм алга даа.
Сониноос тэрбээр саяхан залуучуудад лекц уншсан л гэнэ. Насаараа тоо сампиндаж явсанаас лекц уншиж яваагүй шүү дээ, тэр. Санхүүгийн онолоор өөрийг нь харж ч байгаагүй залууст царай төрхөө харуулж буй нь тэр биз.
Түүнчлэн сонгууль дөхөж, ард түмэнтэйгээ ойртож, рейтингээ өсгөхийн тулд сошиал сүлжээг ашиглаж, охиноороо багшлуулж, фэйсбүүк хаягаа хэрхэн хөтлөхийг заалгаж, бүр өөрөгддөг ч болчихжээ. Бас Твиттерт уран үгсийг уралдуулахаар нэгдсэн харагдана билээ.
Улстөр хийгээд сонгууль бусдыг богино хугацаанд ингэж л өөрчилж байна шүү дээ.
Э.Эгдэрмаа
