Т.ДАЛАЙ

Поп опера "Увертюра” хамтлагийн залуус "Бид эх оронтойгоо хамт" хэмээх Монголын тамирчдын сүлд дууг бүтээжээ. Тус уран бүтээл нь "Rio 2016" оны зуны олимпод оролцох Монголын баг тамирчдад дэмжлэг үзүүлэх хандив цуглуулах аяны хүрээнд бүтээгдсэн бөгөөд өчигдөр /06.09/ Олимпын хорооны байрт клипний нээлт болж уран бүтээлээ танилцуулсан юм. “Бид эх оронтойгоо хамт” дууны шүлгийг А.Эрдэнэ-Очир, хөгжмийг  Цэн.Эрдэнэбат нар бичсэн бол хөгжмийн найруулгыг Анир дуу бичлэгийн студи, видео клипийг “Face” студи хийжээ. "Олимпийн хөгжлийг дэмжих сан", "Монголын үндэсний олимпийн хороо", "Монголын байт харвааны холбоо", "Анир" студийн хамт олон болоод үе үеийн олимпын медильтай тамирчид оролцлоо.