 |
 |
||
|
|||
 |
 |
Хонь
Энэ ордод төрсөн жолооч нарт зам дээр онцгой анхааралтай байх үе нь 11-17 цаг. Замын бөглөөнд орсон бол өөрийгөө сатааруулах ямар нэг зүйлийг хурдхан бодож олох хэрэгтэй. “Эхлээд би” гэдэг муу зан тань мөргөлдөх аюулаас хол байлгаж чаддаггүйг санаж явахад илүүдэхгүй. Машиндаа сайхан дуугардаг хөгжим, тод асдаг гэрэл чийдэн тавих дуртай. Жолоочийн хувьд шалмаг, өөртөө итгэлтэй. Хонины ордны жолоочтой хамт яваа хүн хүрэх газраа очихоос өмнө машинаас буухыг хүсээгүй л бол түүнд зам болоод хөдөлгөөний тухай илүү мэдэхээ гайхуулж болохгүй. Энэ ордынхон хурдан давхих дуртай. „Феррари” маягийн улаан буюу спорт загварын машинд нүд унагана. Бүхний түрүүнд явах эрмэлзлэл нь түүнийг ердийн загварын машинаас татгалзахад хүргэдэг. Тиймээс хамгийн сүүлийн үеийн, содон машин унаж яваа хүнийг хонины ордынх гэж таахад андуурахгүй шүү.
Үхэр
Энэ ордын жолооч нарт аюултай буюу анхаарал суларч асуудалд учирч болзошгүй цаг нь үдийн 11-ээс хойш тохионо. Өглөөгүүр тайван байж болно. Хэтэрхий зөрүүд зантайгаас гадна яаруу нь улаан гэрэл дайрах зөрчил олон гаргахад нь нөлөөлдөг. Үхрийн ордынхон уралдах дуртай. Тэднээс машины уралдаанд дээгүүр давхих сайн тамирчин төрөх боломжтой. Тэгээд ч тэр хотын замыг ч уралдааны бартаат замаар төсөөлж бодох нь бий. Гэрлэн дохио гараандаа дохионы улаан дарцаг, эсвэл барианы зогсох тэмдэг болж харагдана. Түүний хажууд сууж яваа нэгэнд зориулж дуулгах нэг сануулга байна. Хурд нэмэн давхиж эхэлбэл хажуу бөөрнөөс нэг зөөлхөн чичээд авахад буруудахгүй. Тэд газар дээр амархан бууж чаддаг. Үхрийн ордын жолооч тун нямбай, бас аж ахуйч. Тэдэнд “Форд” загварын машин сонгохыг зөвлөж болно. Аж ахуйд ч хэрэглэж болох тохиромжтой унаанаас гадна “Опель”, “Сааб” зэрэг тохилог машинд дуртай. Машинд нь багахан зураас гарахад л тэр галзууртлаа уурлаж мэднэ.
Ихэр
Анхаарал сайтай хүмүүс тул осолд орж, зам дээр зөрчил гаргаад байх нь ховор ч хэтэрхий түрэмгий зангаасаа болгоомжгүй үйлдэл хийх нь бий. Энэ ордынхон жолоо мушгихдаа чадварлаг учраас зам дээр цирк тоглож ч магадгүй шүү. Тэд эгнээ хооронд гэнэт шилжиж, хурд хэтрүүлэн бусдыг айлгаж чадах улс.
Жолооч нараас хамгийн их сэтгэлийн хөдөлгөөнтэй хүмүүс ихрийн ордынхон байдаг юм. Гэрлээр дохихыг тэд тоглоом аятай ойлгож чадах ч дуут дохиог машинд зайлшгүй байх зүйл гэж үздэг юм. Мөн тун богино хугацаанд дараагийн үйлдлээ сэтгэж чаддаг мэдрэмж сайтай. Ихрийн ордны жолоочид чанга дуугарч ямар нэг зүйлийг анхааруулах гэж оролдох хэрэггүй. Салхи исгэрүүлэн хурдан давхихдаа хөгжмөө чинээнд нь тултал чангалах дуртай хүмүүс байдаг тул “Ауди” маркийн машинд сэтгэл татагдана. Мөн “Меркури”-гээс татгалзана гэдэг юу л бол.
Мэлхий
Тэдний гаргадаг зөрчил голдуу уулзвар дээр таардаг. Тиймээс гарц болон явган замын орчимд анхааралтай явахыг сануулахад илүүдэхгүй.
Бухимдуу, ааш муутай зангаа зам дээр ч гаргаж мэднэ. Тэд ойр ойрхон дуут дохиогоо хангинуулж, өчүүхэн зүйлд бусдыг харааж бас чадна. Мэлхийн ордныхны замын хөдөлгөөнд оролцож байхдаа гаргаж байгаа ааш авир амьдрал дээрхтэй нь яг адилхан. Хурдан давхиж байснаа гэнэтхэн явж ядаад эхлэж магадгүй. Ер нь яаж явж байгаа нь тэр өдрийн аашнаас, сэтгэл хөдлөлөөс нь ихээхэн хамаардаг юм. Авах нэг сайн чанар нь үйл явдал хэтэрхий эрсдэлтэйд өөртөө итгэлтэй байж чаддаг. Түүний дэргэд сууж яваа нэгэн явган зорчигч бол хөдөлгөөнд оролцож байгаа гол субьект гэдгийг ойр ойрхон сануулахад илүүдэхгүй. Хоньтой адилхан тэвчээр муутай биш учраас юмны түрүүнд давхиж сагсуурахгүй. Саадыг дайрч биш, тойрч гарах ёстойг бусдаас илүү сайн мэднэ. Зогсоол дээр машинаа зөв байрлуулах, гараашдаа ном журмаар нь оруулах талаар тэдэнд зөвлөх нь илүүц. Мэлхийн ордынхонд хуучин загварын машин илүү санагддаг. Бүс аюулаас хамгаалах найдвартай хэрэгсэл гэдгийг хүлээн зөвшөөрдөг.
Арслан
Энэ ордныхон давхих дуртай. Шулуун, эсвэл чөлөөтэй зам дээр гишгэж өгнө дөө. Сэтгэл сэргэтэл давхих гэдэг тэдний олонхийнх нь уриа байдаг юм. Бусдын анхаарлыг өөртөө татах дуртай зан нь замын хөдөлгөөнд оролцож байхад ч илэрнэ. Сайхан машинтай явааг нь, ямар уран жолоодож буйг нь хүмүүс харж бишрээсэй гэж хүсдэг. Тиймээс түүнийг сайхан зантай байлгахыг хүсч байгаа бол үг хайрлахгүй магт. Үр дүнд хүрнэ шүү. Бусдаас илүү мөрөөдөмтгий хөвсөлзүүр зан нь унах машинаа сонгоход нь ч нөлөөлдөг. Тиймээс Италийн „Альфа Ромео” зэрэг тансаг загварын машиныг үнэ хайрлахгүй авч чадна. „Ягуар”, „Кадиллак” зэргийн хажуугаар нүдээ аниад өнгөрнө гэж бараг л байхгүй. Машин урт байх тусам тэдэнд таалагдана. Мөн моторын чадал чухал. Жолоо болоод бусад гоёл чимэглэл нь алтлаг үнэтэй бол бүр ч таалагдана. Арслангийнханд машин бол эд хогшил гэхээсээ тоглоом.
Охин
Жолооны ард согтуу явна гэдэг тэдний зүрхлэх ажил биш. Түгээгүүрээс шатахуун аваад төлбөрөө тун нямбай хийнэ. Илүү мөнгө нэгийг ч төлөхгүй. Байгальд хайртай. Ногоон зүлгэн дээгүүр машинтай байтугай явган алхана гэдэг тэдэнд нүгэл. Бас машинд заавал байх зүйлийн нэг нь эмийн сан гэж үздэг тул ном ёсоор нь авч явдаг зантай.
Амьдралын бүхий л асуудалд хэтэрхий нямбай ханддаг зан жолооны ард ч илэрдэг.
Тоёота, Хонда, „Киа”-гийн машин илүү тохирно.
Жинлүүр
Жинлүүрийн ордныхон хачирхалтай нь гэгээн цагаан өдөр, шув шулуунхан зам дээр ч осол гаргаж мэднэ. Гэхдээ осол ганц түүний буруугаас болно гэж бараг л байхгүй. Тэр осол гарахад нөлөөлж чадна. Хамгийн сахилгагүй, жолоочийг шалгаруулахад жинлүүрийн ордонд төрсөн хүн тодорвол гайхах хэрэггүй. Тэд онолын мэдлэг сайтай, яавал яахыг хэтэрхий сайн мэднэ. Гэвч амьдрал дээр биелүүлэхдээ хангалттай бус. Энэ нь өөртөө хэтэрхий эрддэг зантай нь холбоотой байх. Энэ одрныхон элит маягийн загвартай машин сонирхдог. “Ролс-Ройс”, “Линкольн”, “Мерседес” гэхээр илүү тайлбар хэрэггүй байгаа биз. Тэр тохь тухыг илүүд үздэг тул агааржуулагчгүй, хөгжим тоноглолгүй машин санал болгох хэрэггүй.
Хилэнц
Хилэнцийн жолооч нарыг гүйцэж түрүүлэхдээ тун болгоомжтой хандах хэрэгтэй. Харамсалтай нь жолооны ард ямар ордны хүн байгааг таах аргагүй юм даа. Тэд араас нь хэн нэг нь хөөж гүйцэхийг тэвчдэггүй. Машинаа гарын арван хуруу шигээ мэднэ. Замын хөдөлгөөний дүрмийг тэднээс илүү мэднэ гэж байхгүй дээ. Тиймээс хилэнцийн ордны жолоочтой хүн бүгдийг түүнд найдаад санаа амар явж болно.
Машин бол түүний итгэлт хүлэг, анд найз нь. Тэр машинтайгаа ярьж ч магадгүй. “Порше”, БМВ үгүй ядаж “Форд” байж л түүний санаанд тохирно. Энэ ордныхон машинаа ойр ойрхон солихыг амрагаа байнга шинэчилж байдагтайгаа адилтган ярьж магадгүй улс. Хогон дундаас ч сайн машин босгох ур ухаан энэ ордныхонд хангалттай бий.
Нум
Жолооны ард нумын ордонд төрсөн хэн нэгэн суугаа бол хажууд нь тухалсан та ч бас тун болгоомжтой байхад илүүдэхгүй. Ялангуяа уулзвар дээр гэрэл яаж асч буйг харж яваарай. Тэд их чалчаа улс. Тиймээс мэргэжилтнүүд нумын ордонд төрсөн жолооч нар машин барьж яваа бол гар утасны талаар мартсан нь дээр хэмээн зөвлөдөг юм.
Амьдрал дээр биеэ авч явдагтайгаа адилаар машинаа жолооддог. Бусад жолоочийг буруутгаж загнах нь тэдэнд хообий нь болсон зүйл. Тиймээс түүнтэй адилхан бусдыг хайр найргүй загнаж болно. Ийм байх нь жолоочид таалагдана гэдэгт итгэлтэй бай. Ямар машин унах нь түүний нэр төрийн хэрэг. Ах дүү хамаатан садан, найз нөхдийнхөө өмнө нүүр улайхааргүй унаа сонгох гэж өөрийгөө хөөрхөн чилээгээд авах ч хэтэвчтэй хэддээ баригдахаас өөр аргагүй болдог юм. Гэхдээ тэр хэзээ ч хариугүй жижигхэн машин сонгохгүй. Машин том байх тусмаа илүү гэж хаанаас ч юм бэ түүнд шивнэчихсэн аятай байдаг.
Матар
Амархан гомддог бас зөрүүд зан нь жолооны ард ч илэрнэ. Зам дээр гэнэтхэн эргэснээ буруу зүйл хийчихлээ гэж гэмшихгүй байгаа бол түүнийг матрын ордонд төржээ гээд таачихад хол зөрөхгүй байх шүү. Замын элдэв тэмдэгэнд дургүйцлээ илэрхийлж, ганцаараа байсан ч үглэж мэднэ. Очих гэсэн газартаа тайван яваад хүрнэ гэж бодохын оронд бүгдээс түрүүлээд, хурдхан гэсэн бодолд ээрүүлэх нь олонтаа. Гэхдээ замын хөдөлгөөний дүрэм гэдэг түүнд бурхны сургаал гэсэн үг. Хэзээ ч зөрчиж болохгүй гэсэн хатуу бодолтой. Гэхдээ хамгийн захын замаар цагт 50 км-ын хурдтай мөлхөнө гэдэг санаанд нь багтахдаа хэцүү. Сонгодог загварын машинд дуртай. „Фольксваген”, “Черокий жийп”-ийг ашиглахад эвтэй, тухтай хэмээн магтана. Машинаа ойр ойрхон солих нь тэдний зан биш. Хамгийн найдвартайг олж аваад, насан туршдаа унана хэмээн боддог юм. Хөдөө хээр зам олохдоо гаргуун. Газрын зураг харж, цаг барьж явна гэдэг тэдний хувьд бараг тогтсон хэвшил. Мөн замын бартаанаас айхгүй.
Бумба
Будилуу бас осолд өртөхдөө амархан жолооч голдуу бумбын ордонд төрсөн байдаг юм. Тэд хэзээ ч сайн жолооч байж чадахгүй. Хажууд нь суусан хүмүүст түгшүүр төрүүлж чадахын хамт өөрөө амархан сандардаг. Хэцүү үед хурдан сэтгэх ч голдуу буруу тийш нь жолоогоо дарна. Тэднээс авах чанар нь хямгач. Шал дэмий зүйлд шатахуунаа үрнэ гэж бараг л үгүй дээ. Бумбын ордны жолоочийн хажууд сууж яваа зорчигчид зөвлөхөд тайван бай, түүнийг яаж явааг харахгүйн тулд сонин унш. Эсвэл суудлаа хойш нь унагаад унтаж буй дүр үзүүлсэн нь дээр. Субару Импреза”, „Субару Импрезa Турбо”, „Лаборжини” загварын төмөр хүлэг илүү таалагдана.
Загас
Замын тэмдэгт анзааргагүй ханддаг. Ямар ч саад таарсан дайраад гарч мэднэ. Бодит ертөнцөд жолооны ард яваа бол амьдралд байдгаасаа хариуцлагатай хандах учиртайг сануулахад илүүдэхгүй. Тэд зөөлөн аядуу зантай. Мөрөөдөмтгий, өөрийг нь гүйцэж түрүүлэхэд уурлаж бухимдахгүй. Харин ч эсрэгээр таалагдаж мэднэ. Гэхдээ явах зам урт бол шүү дээ. Дэргэд нь яваа хүн уурлаж бухимдахад дургүй. Хурдаа хас гэсэн шаардлагыг хэзээ ч хүлээж авахгүй. Загасныханд машин биш үлгэрт гардаг шидэт хивс хэрэгтэй. Тэд машин сонгохдоо олонтаа эргэж буцдаг нь үүнтэй холбоотой. Муухай машинтай явахыг үзэж чаддаггүй. Балга усаар халтартуулахыг ч хүлээн зөвшөөрөхгүй.
