Мин гүрний үед баригдсан эртний ордоныг Бээжин дэх Хориотой хотын доороос олжээ. Энэ тухай Daily Mail өчигдөр мэдээллээ.

БНХАУ-ын археологчид Хориотой хотын баруун хэсэгт ойролцоогоор 2.8 метр гүн 20 давхар өрлөг илрүүлжээ. Эрдэмтэд энэ нь XV зууны үед эзэн хааны ээжид зориулан барьсан ордны суурь байх хэмээх санал гаргаад байна. Суурин доороос мөн 5-30 мянган жилийн өмнөх элс, хөрсийг нээжээ.

Хориотой хот нь дэлхийн хамгийн том цогцолбор ордон гэж үздэг байна. Энэ нь Бээжин хотын төвд байрладаг бөгөөд ЮНЕСКО-гийн Дэлхийн өвийн жагсаалтад орсон байдаг юм. Цогцолборын нутаг дэвсгэр дээрх малтлага 2020 он хүртэл үргэлжлэх ажээ.

М.Баяр