Сонгинохайрханы сонгуулийг Ардчилсан намын нэр дэвшигчид сонгууль биш болгож байна. Сонгинохайрхан дүүргийн УИХ болон НИТХ-д Ардчилсан намаас нэр дэвшигчдийн шударга бус хууль зөрчсөн үйлдлүүд хэрээс хэтрээд байна. Хэдхэн хоногийн өмнө Х.Нямбаатарын уулзалт дээр О.Магнай 50 гаруй хүнтэй ирж үймүүлсэн бол өчигдрөөс эхлэн автобусны буудлуудаар Д.Тэрбишдагвын талаар урвагч гэсэн утга бүхий ухуулах хуудас машины цонхоор автобусны буудал хавьд авчирч тараагаад машинтайгаа зугтах явдал хэд хэд гарчээ. Д.Тэрбишдагвын штабын хувьд өнөөдөр зарим этгээдийг үйлдэл дээр нь барьж цагдаагийн байгууллагад шалгуулахаар өгчээ.
Мөн нэр дэвшигч Ц.Гарамжавыг гутаан доромжилсон ухуулга хуудас шөнийн цагаар айлуудын орцоор тараасан асуудал гарч, Ц.Гарамжавын зүгээс мэдэгдэл, уриалга гаргасан.
Мөн СХД-ийн засаг дарга, нэр дэвшигч М.Чинболд Япон улсын элчин сайдын яамнаас албан ёсны мэдэгдэл гаргасаар байтал айлуудаар “Япон явуулж өгнө” хэмээн нэрийг нь бүртгэж сонгуулийн хууль болоод хоёр улсын хоорондын харилцаа, хэлэлцээрийг улайм цайм уландаа гишгэсэн аргаар санал цуглуулах гэж “шогтож” явна. Ардчилсан намын аргаа барсан нэр дэвшигчдийн адал явдал үүгээр дуусахгүй. Л.Эрдэнэчимэг нарын нэр дэвшигчид төрийн ордонд архидан согтуурсан бичлэг нь алдагдсан хэрэгт үндэслэл нотолгоогүйгээр Н.Учралын нэрийг хутгаж, эгээ хохирсон гүтгүүлсэн мэт дүрд тоглоод үлдсэн. Л.Эрдэнэчимгийн будлиан түүний “архи тамхи секс”-ээр дууссангүй. Эрхэм гишүүний “иргэдтэй дотно харилцаа үүсгэж, орноос нь босгож хувцсыг нь өмсгөөд саналыг нь өгүүлдэг, сурсан аргаараа ажиллавал ялалт амархан харагдаад байна” гэхчлсэн хүмүүст заавар өгч буй түүний бичлэг өнөөдөр олон нийтийн сүлжээгээр тархаж байна.
“Энд суусан хүн болгон ардаа 10-20 хүн авчирч сонгууль өгүүлнэ гэж ойлгож байгаа. 19-р хороон дээр 3000 сонгогч бид нарын төлөө саналаа өгөх 3000 хүний нэр байхад л. 3000 ч юу байхав 6500-аас 4000 гэхээр за нэг 2200 хүний нэрсийн жагсаалт байгаад тэр хүмүүс яг бидний төлөө саналаа өгөхөд ялалт байгуулчихаж байгаа. Ингээд бодохоор бас амархан харагдаад байгаа байхгүй юу. Тийм учраас бодитой хүмүүсийн нэр устай, бодитой хүмүүсийн утасны жагсаалттай. Тэрийгээ яг өөрсдөө хариуцдаг, энэ 18 хоногийн хугацаанд нэг бүрчлэн очиж уулзаж, гэр оронд нь орж нөгөө хүмүүстэйгээ дотно харилцаа үүсгэж… 29-ны сонгуулийн өдөр гэрт нь очоод орноос нь босгоод хувцсыг нь өмсгөөд, тойргийн хэсгийн хороон дээр авчраад саналыг нь өгүүлээд зургийг нь даруулаад, тухайн өдөртөө..Ингэж байж бид нарын ажил асуудал дуусна. Зусланд гарсан байгаа айлууд руугаа унаа машинтай очоод, машиндаа суулгаад авчирна. Ингэж байж бидний сонгуулийн үр дүн гарна шүү. Энийг бол тэртээ тэргүй та нарын хийгээд сурцан үндсэн ажил чинь байгаа. Тэгээд ялалтын төлөө хамтдаа явцгааая. За баярлалаа (хүмүүс алга ташив).”
Өрсөлдөгчөө гутаан доромжлох, гүжирдэх, хууль бус аргаар санал татах, үймээн тарих. Улс орны хөгжлийн төлөө мөрийн хөтөлбөр, ёс зүй, алсын хараагаараа урагшаа уралдах ёстой сонгуулийн сурталчилгааг арагшаа ухарсан увайгүй тэмцэл болгон хувиргаж, өөрсдөө баталсан хуулиа гууль болтол уландаа гишгэж энэ мэт эрээ цээргүй аргаар улайран зүтгэж байгаа Ардчилсан намын нэр дэвшигчдэд ахиад 4 жил төрийн жолоо атгуулбал юу болох вэ, таминээ?!
Эх сурвалж: Шуурхай.мн
