Засгийн газраас гаргасан шийдвэрийг танилцуулав. Улсын хэмжээнд Улаанбаатар, Сэлэнгэ, Архангай аймгийн хэмжээнд хөл хориог 10 хоногоор сунгаж, бусад аймагт бүх нийтийн бэлэн байдлын зэргээс бууруулж өндөржүүлсэн бэлэн байдлын зэрэгт шилжүүлж байгааг мэдээлсэн.
Харин үйл ажиллагааг эхлүүлэх үйлчилгээний байгууллагуудын тухайд 18 салбарын үйл ажиллагааг нээхээр болсныг дуулгалаа. Энэ тухай УОК-ын дарга Я.Содбаатар "Өмнө нь 11 салбарын үйл ажиллагааг ажиллуулж байсан. Дээр нь боловсруулах салбарын үйл ажиллагааг нээж 18 болгож байна. Өмнө нь
- Хэвлэл мэдээлэл, харилцаа холбоо, шуудан
- Цахилгаан, дулаан, усан хангамж, ариутга татуурга
- Газрын тосны бүтээгдэхүүн, түлшний хангамж
- Хүнсний үйлдвэрлэл, худалдаа, тээвэрлэлт, түгээлт, ханган нийлүүлэлт /хайпермаркет, супермаркет, минимаркет, хүнсний дэлгүүр, бөөний төв, агуулах, хүнсний зах, мал, амьтны тэжээл/
- Эрүүл мэндийн байгууллага, эмийн сан, эм, эмнэлгийн хэрэгсэл ханган нийлүүлэх байгууллага
- Хог хаягдлын цэвэрлэгээ, ачилт, цуглуулалт, тээвэрлэлт, устгал, золбин нохой, муурын устгал
- Ариутгал, халдваргүйжүүлэлт, нийтийн бие засах газар
- Оршуулга
- Өвс, тэжээлийн нөөц бүрдүүлэлт, сайжруулсан болон баяжуулсан түлшний үйлдвэрлэл, нийлүүлэлт, түгээлт, тусгай зөвшөөрөл бүхий байгууллагын түлшний тээвэрлэлт
- Шүүх, прокурор, өмгөөлөл, нотариатын үйл ажиллагаа
- Тусгайлсан чиг үүрэг бүхий байгууллага /гамшгаас хамгаалах, мэргэжлийн хяналт, цагдаа, зэвсэгт хүчин, гааль, татвар, байгаль орчныг хамгаалах, улсын бүртгэл, гадаадын иргэн, харьяатын асуудал эрхлэх, дипломат болон тусгай алба/
- Улсын онц чухал болон стратегийн ач холбогдол бүхий обьект, байгууллага /Гадаадын дипломат төлөөлөгчийн газар, НҮБ-ын суурин төлөөлөгчийн газар, Нийслэлийн замын хөдөлгөөний удирдлагын төв, “Улаанбаатар төмөр зам” ХНН, “Чингис хаан” олон улсын нисэх буудал, “Биокомбинат” төрийн өмчит үйлдвэрийн газар, Стандарт, хэмжил зүйн газар болон Үнэт металлын сорьцын хяналтын газрын байр, Үндэсний дата төвийн нөөц төв/-ууд хэвийн горимоор ажиллаж байгаа.
Харин үүн дээр нэмэгдэж эрүүл мэндийн байгууллага, эм, эмнэлгийн хэрэгслийн үйлдвэрлэл, малын өвс тэжээлийн үйлдвэрлэл, гоо сайхны үйлдвэрлэл, арьс шир ноос ноолуурын үйлдвэрлэл, хэвлэх үйлдвэрлэл, модон эдлэл барилгын хийц үйлдвэрлэлийг нэмж нээж байна" гэлээ.
