УИХ-ын чуулганы хуралдаанаар Эрчим хүчний салбарын мэдээллийг сонслоо. Эрчим хүчний сайдын мэдээлэлтэй холбогдуулан гишүүд асуулт хариулт авлаа.

Тухайлбал УИХ-ын гишүүн Ж.Мөнхбат “Эрчим хүч цахилгаан хэрэглэж байгаа ард түмэн Засгийн газраас гаргасан шийдвэрт сэтгэл хангалуун байгаа. Эх оронч сэтгэлгээгээр эрчим хүчээ хэмнэе гэсэн уриалга сошиал сүлжээгээр явж байна. Үүнийг ч гэсэн УИХ-ын гишүүд бид бодлогоор дэмжих ёстой. Ард түмэн олон сайхан санаачлага уриалга гаргаж байна. Төрийн хариуцлагатай алба хашиж байгаа хүмүүс энэ уриалгад нэгдээсэй. Хэд хоногийн өмнө Ерөнхий сайдын өрөөнд албан ажлаар орсон чинь “Эх оронч сэтгэлээр эрчим хүчээ хэмнэнэ ээ” гэчихсэн ажлын арын өрөөний нэмэлт халаагуураа салгачихсан, жиндэх маягтай сууж байна лээ. Асуудалд ингэж хандах хэрэгтэй” гэлээ.