Сагсан бөмбөгийн тамирчид нэгнийхээ аминд хүрсэн харамсалтай хэрэг гарчээ. Тодруулбал, Монголын сагсан бөмбөгийн дээд лигийн 23 Стормс багийн тоглогч Т.Их-Уул нь Отгонтэнгэр их сургуулийн сагсан бөмбөгийн тоглогч Х.Цогтсайханыг хутгалж хөнөөгөөд улмаар өөрөө байшингийн дээврээс унаж нас барсан байна. 

Уг хэрэг БЗД-ийн 25 дугаар хороонд өнгөрсөн шөнө 02.00 цагийн үед иргэн У-гийн гэрт гарсан байна. 

Т.Их-Уулын хувьд сагсан бөмбөгийн тамирчны замналаа С.Баярцогт багшийн удирдлага дор Этүгэн Ирвэсүүд багаас эхлүүлж, Сербийн Партизан Партизан багт дуудагдаж, сүүлийн жилүүдэд дээд лигийн 23 Стормс багт хүчин зүтгэж байсан юм. Харин Х.Цогтсайханы хувьд Отгонтэнгэр их сургуулийн сагсан бөмбөгийн од тоглогч байсан бөгөөд оюутны лигийн өнгөрсөн улирлын финалын тоглолтонд багаа хөтөлж, мөнгөн медалийн эзэн болж байв.

Хэргийг цагдаагийн байгууллага шалгаж байна.