Монгол Улсын гавьяат жүжигчин, дуучин С.Батсүх Ардын жүжигчин цол хүртэж, шагналаа Ерөнхийлөгч Х.Баттулгаас өнөөдөр гардан авлаа. 

1983 онд Завхан аймгийн Хөгжимт драмын театраас уран бүтээлийн замналаа эхлүүлсэн дуучин С.Батсүхын “Завхан гол”, “Нутаг амьтай аав”, “Отгонтэнгэр”, “Тэсийн гол”, “Дуут нуур” “Гоёлоо өмссөн ээж” зэрэг олон уран бүтээл Монголын ард түмний хүртээл болон дуулагдсаар байна. 

Ийнхүү тэрбээр Сар шинийн босгон дээр Монгол Улсын Ардын жүжигчин цолоор шагнууллаа.