Энэ мэдээ хуучирсан буюу 2021/02/23-нд нийтлэгдсэн мэдээ болно.

Их аварга Хакүхо тэргүүтэй коронавирусээр халдварласан бөхчүүд бэлтгэлдээ орлоо

Мэргэжлийн сүмогийн нэгдүгээр сарын хацү башёгийн өмнө их аварга Хакүхо М.Даваажаргал тэргүүтэй 65 бөх коронавирусийн халдварын улмаас өнжсөн билээ. Улмаар сар гаруйн хугацаанд тусгаарлалтад байсан бөхчүүдээс дахин шинжилгээ авахад бүгдийнх нь хариу сөрөг гарчээ.

 

Тиймээс өчигдрөөс албан ёсоор бэлтгэлдээ орсон тухай “Киодо” агентлаг мэдээлсэн байна. Ирэх сарын 14-нд эхлэх Харү башёд ёкозүна, озэки зэрэг өндөр цолтой олон бөхийн хувь заяаг шийднэ.

 

Түүнчлэн доогуур зиндааны зарим сүмочийн хувьд ч онцлог башё байх юм. Тиймээс үзэгчид хүлээлт ихтэй, сүмочид урьдынхаа илүү ач холбогдол өгч байгаа аж. Коронавирусээр халдварласан бөхчүүдийг төлөөлж “Арашио” дэвжээний дээд зиндааны бөх Вакатакакагэ ярилцлага өгөхдөө “Бэлтгэлээ сайн хийж байгаа. Ирэх башёд сайн барилдах болно. Дэвжээн дээр юу хийж чаддагаа харуулахыг хүсч байна” гэжээ. Түүнээс гадна “Томозүна” дэвжээний бразил бөх Кайсэй “Юуны түрүүнд хурдхан формдоо ормоор байна” гэв.

 

Эх сурвалж: "Монголын үнэн" сонин

Улсын их дэлгүүрээс “Ариг” банк хүрсэн “Номин”-гийн Ш.Баярсайханы
Улсын их дэлгүүрээс “Ариг” банк хүрсэн “Номин”-гийн Ш.Баярсайханы "зам"
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2021/02/23-нд нийтлэгдсэн мэдээ болно.