Манай улс 7.9 сая тонн нүүрс экспортолсныг Уул уурхай, хүнд үйлдвэрийн яамнаас мэдээлжээ. Энэ үзүүлэлт нь өмнөх оны мөн үеэс 55.6 хувиар өссөн дүн юм. Гэхдээ Гашуунсухайт-Ганцмод боомтоор нэвтэрч буй нүүрс тээврийн автомашины тоо цөөн хэвээр байгааг “SXCoal” мэдээлсэн байна.

Энэ сарын 15-нд тус боомтоор нүүрс тээврийн 94 автомашин нэвтэрсэн нь гуравдугаар сарын эхээр өдөрт 500 тээврийн хэрэгсэл хилээр нэвтэрч байсантай харьцуулахад тав дахин бага үзүүлэлт юм.

 

 

Түүнчлэн Ганцмод, Сэхэ боомтоор нэвтэрсэн автомашины тоо долоо хоногийн өмнөхөөс 15-аар буурсан байна. Экспортыг нэмэгдүүлэхээр талууд хамтран ажиллаж байгаа ч коронавируст халдварын улмаас бага хэвээр байгааг мөн дурдлаа. Түүнчлэн Ганцмод боомтод Монголын түүхий коксжих нүүрсний үнэ тонн тутамдаа 1400-1450 юань болжээ. Энэ нь өмнөх сараас 200 юаниар, жилийн өмнөхөөс 60 хувиар өссөн үзүүлэлт юм. Харин нэг тонн угаасан коксжих нүүрсний үнэ 1700 юань байгаа аж.

Б.Сийлэн

Эх сурвалж: "Монголын үнэн" сонин