Гэр бүл, хүүхдийн эсрэг хүчирхийллээс урьдчилан сэргийлэх, илрүүлэх, таслан зогсоох, хуулиар хүлээсэн чиг үүргийг хэрэгжүүлэхэд шаардлагатай мэргэжлийн ур чадвар олгох зорилгоор хороодын Хөгжлийн нийгмийн ажилтнуудад 2021 оны 11 дүгээр сарын 12-ны өдөр “Нийгмийн ажилтны кейс менежмент” сэдвээр сургалт зохион байгууллаа.
Сургалтыг Хүүхэд,гэр бүлийн хүчирхийлэл гэж юу вэ? хүчирхийллийн төрлүүд, хүчирхийллийн хэлбэр, Кейс менежмент, Кейс бодлого /Дадлага ажил/, Генограмм, эко зураглалтай ажиллах дадлага ажил сэдвийн хүрээнд зохион байгуулагдлаа.
Хан-Уул дүүргийн 21 хороодын Хөгжлийн нийгмийн ажилтнууд тус сургалтад хамрагдсанаар кейс төлөвлөгөө боловсруулах, нөхцөл байдлын үнэлгээ хийх, ярилцлагын тэмдэглэл хөтлөх, байгууллагад холбон зуучлах, үйл явцын тэмдэглэл хөтлөх, кейс шийдвэрлэж хаах зэрэг маягтууд дээр ажиллах чадварыг эзэмших юм.
Хан-Уул дүүргийн Засаг даргын Тамгын газрын Нийгмийн хөгжлийн хэлтэс
