Монгол Улсын 25 дахь аварга О.Хангай, Улсын заан Б.Бат-Өлзий, улсын начин Б.Сосорбарам нарт зориулсан "Ховдын хүчтэнүүд" шоу цэнгүүн өчигдөр болж өнгөрлөө. Тус шоу Ховд аймгийн “Ард Аюуш”-ийн талбайд болсон юм. Тоглолтонд Өмнөд америкийн Эквадор улсын “Qirwa Anka” хамтлаг болон Ховд аймгийн Хөгжимт драмын театрын уран бүтээлчид оролцжээ. Энэ үеэр УИХ-ын гишүүн С.Бямбацогт улсын аварга О.Хангайд 500 хонь, улсын заан Б.Бат-Өлзийд 21 адуу, улсын начин Б.Сосорбарамд 10 сая төгрөг бэлэглэжээ.