Ерөнхийлөгч У.Хүрэлсүх, Ерөнхий сайд Л.Оюун-Эрдэнэ, УИХ-ын дарга Г.Занданшатар нар, мөн МАН-ын удирдлагуудын уулзалт болж, шинэ Засгийн газрын танхим дахь сайд нарын томилгооны асуудлаар ерөнхийдөө “ойлголцжээ” Харин Засгийн газрын хамгийн гол бодлогын яам бол Эдийн засаг, хөгжлийн сайдын томилгоог эцэслэж чадаагүй гэх. Тодруулбал, УИХ-ын гишүүн Ч.Хүрэлбаатар, Ж.Ганбаатар нарын хооронд ширүүн өрсөлдөөн өрнөж байгаа бөгөөд Ч.Хүрэлбаатарын хувьд сайд болохын тулд тун ч “шатаж” яваа.

2007 оноос Түлш эрчим хүчний сайдаар, 2008 оноос УИХ-ын гишүүнээр ажиллаж байгаа түүний хувьд улстөрийн туршлага, санхүүгийн мэдлэг чадвар хангалттай бий ч түүнийгээ хувийн ашиг сонирхолдоо ашигладаг, түүнийхээ төлөө “том эрх ашиг”-ийг гишгэчдэг үйлдлүүд нь сайд болоход тээг болж яригджээ. Тодруулбал, Ч.Хүрэлбаатар Сангийн сайдаар ажиллаж байхдаа Японы Савада холдингс ХХК-д МУ-ын Засгийн газрын нэрийн өмнөөс мэтээр захидал бичсэн, түүнийгээ нуусан үйлдэл нь Таванбогд групп ХХК дахь өөрийн хамааралтай байдалдаа давуу байдал бий болгохын төлөөх үйлдэл байсан байж болзошгүй, ингэснээр гадаадын хөрөнгө оруулагч түүнийг шалгуулахаар АТГ-т өргөдөл ирүүлсэн асуудал нь, өдгөө түүнийг АТГ-т шалгаж байгаа нь Ерөнхий сайд, намын дарга Л.Оюун-Эрдэнийн “Ч.Хүрэлбаатарыг сайдад томилохгүй” шалтгаанд дурдагджээ.

Мөн УИХ-ын гишүүн Ц.Анандбазар сайдын суудалд горилж, Ерөнхий сайдад хүнээр хэлүүлсээр байгаа ба өөрөө уулзахаар хүсэлтээ тавьж, өрөөнийх нь үүдийг сахисаар аж. Гэвч Л.Оюун-Эрдэнэ огт уулзахгүй байгаа ба 80-аад оны тэрбээр “Ёсзүй шаардсан шинэ үе хүчиэй болсон энэ цагт хуулийн байгууллагаар шалгагдаж, асуудалд ээрэгдсэн ах нараас холхон байх чигийг барьж байгаа” аж.

Эх сурвалж: tsahiur.mn