Сангийн яамнаас НӨАТ-ын баримтын сугалааг дахин эхлүүлэх болсонтой холбоотой сурталчилгааны видеог өчигдөр цахим хуудаснаа нийтэлсэн. Энэхүү сурталчилгааны агуулгад хүнийг эрхэлсэн ажил мэргэжлээр нь ялгаварлан гадуурхсан өнгө аяс бүхий утгыг илэрхийлж байсан төдийгүй ёс зүйн зөрчилтэй хэмээн олон нийтийн шүүмжлэлд өртөөд авсан. Ямартай ч видеог сангийн яамны пейж хуудаснаас ямар нэгэн тайлбар мэдээлэлгүйгээр устгасан байна.

Тухайн бичлэгийн агуулгад НӨАТ-ын баримт бүртгүүлэх нь “өлөн” үйлдэл болсон мэт мессежийг өгч байгаа төдийгүй, халаасан дахь баримтуудыг ТҮК-ын ажилтанд өгсөн үйлдэл нь хүний эрхийг зөрчиж буй хэрэг юм. Угтаа дээрх видеог татвар төлөгчдийн мөнгөөр хийж байгаа байтал мөрөөрөө ажлаа хийж буй энгийн иргэнийг эрхэлсэн ажил мэргэжил, угсаа гарлаар нь ялгаварлан гадуурхаж байгаа нь Засгийн газар иргэдээ энэ хэмжээний үнэлэх үнэлэмж буй.

Зарим гишүүд, сайд нар нь “ул”-ны хэмээн дорд үздэг бол зарим нь НӨАТ-ын баримтын буцаан олголтоороо голоо зогоодог хэмээн ард иргэдээ тавладаг. Бид ч элдвээрээ хэлүүлж ханахгүй ард түмэн юм даа... НӨАТ бол улсаас иргэддээ өгч буй тэтгэвэр тэтгэмж, нэг удаагийн урамшуулал ч биш. Иргэд өөрсдийн худалдаж авсан бараа бүтээгдэхүүн дээрээ нэмж өгч, түүнийгээ дараа нь буцаан авдаг. Ийм л зүйл. Гэтэл ард иргэдийн өөрсдийнх нь мөнгөөр сугалаа явуулснаар амьдралаа өөрчил “маягийн” реклам цацах нь хэр ёс суртахуунтай үйлдэл болохыг Сангийн сайд Б.Жавхлангаас асуумаар байна. Хэдий болтол ард иргэдээ сугалааны зарчмаар амьдруулж, азанд найдсан хямдхан тоглолтоор аргацаах гэсэн юм бэ??? Өдөр ирэх тусам төгрөг үнэгүйдэж, долларын ханш өсөж байхад НӨАТ-ын сугалааг дэмжиж, ард иргэдээ өлмөн зэлмэнгээр дуудсан Сангийн сайд Б.Жавхлан та яг одоо хариуцлагаа хүлээж ажлаа өг!! Үйлчилгээний ажилтнуудад дээрэнгүй хандаж, дорд үзэж байгаа нь улс төрч, сангийн сайдаас яавч гарч болох үйлдэл биш!!!