/МАН-ын Бага хурлын гишүүн, НАМЭХ-ийн дэд Ерөнхийлөгч асан Ц.Нацагдолгор “Би Цэгмид гэдэг зураачийг сайн танихгүй, түүнээс мөнгө зээлээгүй” гэж гүрийж явна/

Одоогоос хоёр жилийн өмнө Соёл, урлагийн газрын даргаар сэтгэл судлаач Цэнд-Аюушийн Нацагдолгор томилогдон ажилдаа орсон байдаг. Уг нь сэтгэл судлаач хүн СЭМҮТ, аль нэг байгууллагын сэтгэл судлаач хийгээд гүйж явах байтал мэргэжилтэй нь огт хавирахгүй Соёл урлагийн “бүдүүн дарга” болсон нь инээдтэй. Гэтэл Ц.Нацагдолгор нь МАН-ын Бага хурлын гишүүн, НАМЭХ-ны дэд Ерөнхийлөгч, УИХ-ын Тамгын газар, НХХЯ-ны газрын дарга зэрэг албыг хашиж явсан байх юм. Тэрбээр сонгуулийн дараа бялуугаа хүртэж энэхүү агентлагийн даргаар томилогджээ. МАН-ыг дагаад хэдэн жил гутлаа урагдтал гүйсэн, цүнх баригчид ийм маягаар л албан тушаал авдаг нь бараг уламжлал болсон болохоор яалтай билээ. Тэр нэг өдөр Ц.Нацагдолгор нь СГЗ зураач П.Цэгмидтай танилцжээ. Энд П.Цэгмид зураачийн талаар тодруулах нь зүйтэй байх. П.Цэгмид зураач нь уран зураг, монгол зураг, зураасан зураг, баримал гээд бүх төрлөөр уран бүтээлээ тууривдаг монголын сор болсон авъяаслаг, хөдөлмөрч зураачийн нэг. Тэр нэг өдөр Соёл урлагийн агнетлагын дарга эмэгтэйтэй танилцаж, уран бүтээлийн яриа өрнүүлсэн аж. Гэтэл Ц.Нацагдолгор нь “Би таньд захиалга өгнө, уран бүтээлийн тендер авч өгнө” гэх зэргээр итгэл үнэмшил төрүүлсэн байна. Тэгмэгц Ц.Нацагдолгор “Хүү маань гадаадад сурах гээд 20 сая төгрөгний хэрэг болоод байна. Та хэдхэн хоногийн хугацаатай зээлээч?” гэжээ. Мэдээж МАН-ын бага хурлын гишүүн, төрийн агентлагийн том дарга ингэж ярихаар худлаа яриад алга болох хүн биш гэж хэн ч үнэмших нь ойлгомжтой. Зураач Ц.Цэгмид ч зөвшөөрч Соёл урлагийн агентлагийн даргатай 20 сая төгрөг зээлсэн гэрээ үйлдэж, түүнд болон охин руу нь “Хаан банк”-аар мөнгө шилжүүлсэн баримтаа авч үлджээ. “Би нэг их удаалгүй 20 сая төгрөгийг чинь өгнө” гэж амласан Ц.Нацагдолгор таг болж харин нэрт зураач түүнээс мөнгөө нэхсээр нэг жилийн нүүрийг үзсэн байна. Алдсан хүн арван тамтай авсан хүн нэг тамтай гэгчээр нэхэл дагал болж байж зээлүүлсэн мөнгөнийхөө 10 сая төгрөгийг нь арай гэж авчээ. Гэтэл өнгөрсөн жил Ц.Нацагдолгор нь даргын местнээсээ мултарснаар Ц.Цэгмидэд өгөх ёстой 10 сая төгрөгөө өгөлгүй тэр чигээрээ луу унжиж явна. Одоо тэрбээр “Би Цэгмид гэдэг зураачийг сайн танихгүй, би тэр хүнээс ерөөсөө мөнгө зээлээгүй” гэж царайны хувиралгүй ярьж явна. Ийм цайчихсан луйварчид МАН-ын хурга дарга, агентлаг толгойлж явна гэхээр даанч харамсалтай. Мөнгө зээлсэн гэрээ, түүн рүү шилжүүлсэн мөнгөн дүнгийн хөдлөшгүй баримт байсаар байхад энэ эмэгтэй намын нэрээр ял завшаад гарна хэмээн сэтгэлдээ даналзаж байгаа нь МАН-ын бага хурлын гишүүдийн төрх бололтой. Шүүх, цагдаа, мөрдөн байцаалт энэ мэт төрийн нэр барьж бусдыг залилан луйварддаг, авилга, хээл хахууль нэхдэг этгээдүүдтэй хатуу тэмцэх цаг болжээ. Хохирогч 10 сая төгрөг мөн ажлын гүйцэтгэлээ дутуу авсан 4,5 сая төгрөг буюу нийт 14,5 сая төгрөгийн хохирлоо барагдуулахаар цагдаа, АТГ-т хандахаар болжээ. Энэ талаар бид дараагийн удаа мэдээллэх болно!

Horiotoi.mn