Талх Чихэр ХК-ийн “Хэвийн боовны баяр” уламжлалт 17 дахь удаагийн аймаг, цэргийн цолтой болон залуу 256 бөхийн барилдаанд Сэлэнгэ аймгийн Хүдэр сумын харьяат, “Алдар” спорт хороо, “Баатар дулаан хан” ХХК, “Таван-Хан” дэвжээний бөх, аймгийн хурц арслан Даваадоржийн Төрболд түрүүлж, Хөвсгөл аймгийн Бүрэнтогтох сумын харьяат, “Алдар” спорт хороо, “ДЦС-4” ТӨКХ, “Хөвсгөлийн хүчтэн” дэвжээний бөх, аймгийн арслан Энхтөрийн Баасанжав үзүүрлэв.
Шөвгийн дөрөвт Баянхонгор аймгийн Жинст сумын харьяат, Алдар спорт хороо, Хонгор нутаг дэвжээний бөх, аймгийн арслан Т.Дүүрэнсаран, Архангай аймгийн Тариат сумын харьяат, Алдар спорт хороо, Таруугийн таван улиас ХХК, Бөхбилэгт дэвжээний бөх, цэргийн заан Ө.Батсуурь нар шалгарлаа.
Дунд шөвгийн наймд аймгийн арслан И.Мандах, Б.Очирхүү, Г.Ганхуяг, Л.Энхсаруул нар үлдэв.
Ирэх долоо хоногт буюу нэгдүгээр сарын 28-ны бямба гарагт 12:00 цагаас Архангай аймгийн Цэнхэр сумын 100 жилийн ойд зориулсан "Эко констракшн" ХХК-ийн нэрэмжит Улс, аймгийн алдар цолтой 256 бөхийн барилдаан, нэгдүгээр сарын 29-ний ням гарагт 12:00 цагаас "Малчин" телевиз үүсэн байгуулагдсаны 10 жилийн ойд зориулсан Улс, аймгийн алдар цолтой 256 бөхийн барилдаан тус тус болно.
