Энэ мэдээ хуучирсан буюу 2023/01/30-нд нийтлэгдсэн мэдээ болно.

ХҮҮХДИЙН МӨНГӨ: Өрхийн мэдээлэл засах хугацаа II.08-нд ДУУСНА

Энэ оноос эхлэн хүүхдийн мөнгөн тэтгэмж олгох журамд өөрчлөлт оруулж, өрхийн орлогоос хамаарч нийт хүүхдүүдийн 91 хувьд нь олгож, 9 хувийг нь хассан билээ. Хүүхдийн мөнгөнд хамрагдах эсэхийг сонгохдоо төрийн үйлчилгээ үзүүлдэг таван байгууллагын цахим бүртгэлд тулгуурлан ангилсан ч тухайн мэдээлэл нь зөрүүтэй байсны улмаас алдаа гараад буй.

Эдгээр алдаатай мэдээллээ засварлуулахын тулд иргэд оршин сууж буй хорооныхоо нийгмийн ажилтанд хандах, эсхүл И-Монголиа цахим системээр хүсэлтээ гаргаж буй.

Тэгвэл мэдээллээ шинэчлүүлэх хугацаа хоёрдугаар сарын 08-нд хаагдах аж.

Өөрөөр хэлбэл, Өрхийн мэдээлэл нь алдаатай байгаа иргэд ирэх долоо хоногийн лхагва гараг буюу хоёрдугаар сарын 08-ны 17:00 цагаас өмнө хорооныхоо нийгмийн ажилтанд хандаж, мэдээллээ шинэчлүүлэх шаардлагатай гэсэн үг юм.

Улмаар шинэчилсэн мэдээлэлд үндэслэн хоёрдугаар сарын 16-ны дотор өрхийн амьжиргааны түвшинг дахин үнэлж, хүүхдийн мөнгөн тэтгэмжид хамрагдах эсэхийг шийдвэрлэх аж.

Сануулахад, Энэ онд 568 мянган өрхийн хүүхдэд мөнгөн тэтгэмж олгохоор шийдвэрлэсэн бол 78 мянган өрхийн 113 мянган хүүхдийг мөнгөн тэтгэмжээс хасаж буй.

У.Хүрэлсүхийн анхны хоригийг Ардын намынхан хүлээж авах уу
У.Хүрэлсүхийн анхны хоригийг Ардын намынхан хүлээж авах уу
 
“Төв цэнгэлдэх хүрээлэн”-г нийслэлийн өмчид 100 хувь шилжүүлэн авлаа
“Төв цэнгэлдэх хүрээлэн”-г нийслэлийн өмчид 100 хувь шилжүүлэн авлаа
Энэ мэдээ хуучирсан буюу 2023/01/30-нд нийтлэгдсэн мэдээ болно.