Өдгөө газар хөдлөлтөнд бүрэн нэрвэгдээд байгаа Туркийн Хатай муж нь засаг захиргааны хувьд 15 хотод хуваагддаг агаад хот нь тухайн хэсгийнхээ төв гэж явдаг гэнэ . Тэгвэл газар хөдлөлтөөр нэг ч байшин барилга нураагүй ганцхан хот байгаа нь Эрзин аж. Хэдий газар хөдлөлтөнд бусад хотын адил өртсөн ч нэг ч барилга нураагүйн шалтгаан нь хотыг сүүлийн дөрвөн жил удирдаж байгаа Оккес Эсмасоглигийн хатуу чанга байр суурь, бодлогийн ач байсан нь одоо тодорхой болжээ. Тэрээр хотын дарга болсоноосоо хойш стандартын шаардлага хангаагүй нэг ч барилга, орон сууцны хотхонг ашиглалтанд хүлээж аваагүй байна.

Энэ бол тун хэцүү үе байсан. Барилгын компанийхан над руу маш их дайрч янз бүрийн дарамт шахалт үзүүлдэг байлаа. Миний өрөөнд дайрч орж ирээд “чи энэ улсын цорын ганц шудрага хүн болох гээд байгаа юм уу” хэмээн орилж хашгирдаг байсан. Шинэ орон сууцанд орох гэсэн иргэд ч намайг үздэггүй. Газар хөдлөлт болохоос ердөө гураван хоногийн өмнө би тэдний төлөөлөлтэй уулзахад урдаас хашгирч шүгэлдэж угтаж авсан. Би маш олон дайсантай болсон байсан

Одоо хотын дарга иргэдээсээ маш их талархал хүлээн авч байгаа гэнэ. Мужийн хэмжээгээр сүүлийн таван жилд орон сууцны маш их барилга баригдсан агаад үндсэндээ хувийн компаниудын барьсан нь нурсан гэсэн судалгаа гарчээ.

Эх сурвалж : https://www.technopixel.org/mayor-of-erzin-are-you-the-only-right-they-said/