Энэ мэдээ хуучирсан буюу 2023/03/16-нд нийтлэгдсэн мэдээ болно.

Наяад оныхон Д.Тогтохсүрэнг жийхээр шийдсэн бололтой

Бүдүүн” бүлгийн дарга Д.Тогтохсүрэн тойргийнхоо иргэд сонгогчидтой уулзах үеэр өндөр настнуудад дугтай тарааж байгаа бичлэг цахим сүлжээнд үлджээ. Дугтуй дотор УИХ-аас баталсан хууль дүрмээ хийж өгөөгүй л болов уу. Өөрийнхөө зургийг ч дугтуйлаагүй байх. Тэгэхээр хамгийн боломжит хувилбар бол мөнгө байх магадлалтай. Ямартай ч “Бүдүүн” бүлгийн дарга энэ явдлаас хойш “Дугтуй” хэмээх нэр аваад байна. Хэрвээ тэр дугтуй дотор мөнгө байсан бол тэсрэх бөмбөг л гэсэн үг. Энэ бол сонгууль угтсан авлига, олны саналыг мөнгөөр худалдаж авах санаархал гэдэг нь тодорхой. Тиймээс хуулийн дагуу хариуцлага хүлээж таарна. Өөрөөр хэлбэл УИХ-ын гишүүний бүрэн эрхийн асуудал хөндөгдөнө гэсэн үг.

Түүний хувьд эрх баригч намд дээрээсээ гуравт эрэмбэлэгдэж байгаа томоохон эрх мэдэлтэн. Нөгөө талаар нэгдүгээр хүн талаас томоохон дэмжлэгтэй гэдэг. Шударга ёсыг магнайдаа залж, нийгэмд зогсоо зайгүй шүгэл үлээж байгаа эрх баригчид “Дугтуй” Д.Тогтохсүрэнд хариуцлага тооцохоос өөр аргагүй байх. Түүнээс бус цаанаа том дэмжлэгтэй юм. Бүлгийн дарга гэх мэтээр хаацайлахгүй гэдэг нь тодорхой. Тэгээд ч МАН, Засгийн газрын хоймор эзэлж байгаа наяад оны залуусын ажилд нэгдүгээр хүний эрх хэрэгжүүлэгч бүлгийн дарга хэрэггүй л болов уу.

Нэгэнтээ МАН-ын бүлгийг 33:32-оор хуваагдан үзэж байхад Ж.Эрдэнэбатын Засгийн газрыг огцруулах ажиллагаанд оролцож, огцорсны дараа “У.Хүрэлсүхийг Ерөнхий сайдад дэмжиж байна” хэмээн өөрийнхөө албан ёсны бланк дээр гарын үсэг цуглуулж, тухайн үеийн МАН-ын дарга М.Энхболдод өөрийн биеэр хүргэж явах замаар өдгөөгийн нэгдүгээр хүнтэй чамгүй зузаарсан, өдгөө ч түүний эрх ашгийг МАН дотор хамгаалж суудаг хүн гэдгийг эх сурвалж хэлдэг. Тиймдээ ч Хөдөлмөр, нийгмийн хамгааллын сайдаар дэвшүүлэн зайлуулах гэхэд яваагүй хүн шүү дээ. Сайдын суудал тоохгүй “Бүдүүн” бүлгийн даргын суудалд шигдэж байгаа нь цаанаа томоохон хэмжээний эрх ашигт хүлүүлж байгааг харуулсан хэрэг. Энэ мэт шалтгааны улмаас наяад оны залуус Д.Тогтохсүрэнгийн дугтуйг нээж, бөмбөг тэслэх сонирхол байж л таарна. Нэгэнт хууль дүрэм байгаад баримт нь байгаа хойно, ямар ч асуудал алга. Тэр өөрөө “Би Хархорин суманд буюу өөрийн тойрогтоо ажилласан. Тухайн үед уулзалтад ирсэн 5,6 ахмадуудад хүндэтгэл үзүүлсэн. Хууль зөрчсөн зүйл байхгүй. Хүндэтгэл үзүүлсэн бичлэгийг АН-ынхан бичээд цахимд тавьсан юм билээ. Дугтуйнд 20 мянган төгрөг байсан. Нэгдүгээрт, улс төрийн зорилгоор мөнгө тараах гэж байгаа бол ил тараах хүн байхгүй. Мөнгө тараах зорилго ч байхгүй, мөнгө ч байхгүй” хэмээн мэдэгдэнэ лээ. Харин бичлэгээс харахад маш олон дугтуй тарааж байсан. Эх сурвалжийн хэлж байгаагаар тус дугтуйнд 50 мянган төгрөг байсан гэх мэдээлэл бий.

Чухам Д.Тогтохсүрэн мөнгө дугтуйлаад тараах хэмжээний бэл бэнчин, бизнестэй хүн мөн үү гэх асуудал бас үүснэ. Тодотговол тараасан мөнгөнийхөө эх үүсвэрийг тайлбарлах шаардлага гарна. Тэрбээр 2020 онд өөрийн орлого 50 сая, гэр бүлийн орлого 77.8 сая, 180 сая төгрөгөөр үнэлэгдэх нийтийн орон сууцтай зуслангийн болон өөр бусад хашаа байшин байхгүй хэмээн мэдүүлжээ. Мөнхүү 79.8 сая төгрөгийн “Lexus RX 300 машинтай, 10 сая төгрөгийн үнэ бүхий үнэт эдлэлтэй, 14.8 сая төгрөгийн мал ахуйтай, дотоодын хадгаламжид 10.3 сая төгрөгтэй хэмээн мэдүүлж байжээ. Харин 2020 онд өөрийн орлого 93,369,740 төгрөг, гэр бүлийн орлого 65,684,870 төгрөг болж өссөн байна. Ямар нэг бизнес байхгүй аж.

Түүний Хөрөнгө орлогын мэдүүлгээс харж байхад мөнгө дугтуйлаад тараах ямар ч боломж алга. УИХ-ын гишүүний цалинг дугтуйлаад тараах боломжгүй учраас дугтуй дотор чухам юу байсан, мөнгө байсан бол хэдэн төгрөг, ямар эх үүсвэрээс олсон гэх зэрэг асуудал хөндөгдөж таарна. Нөгөө талаар өөрийн хамаарал бүхий Э.Баттулгыг Байгаль, орчин аялал жуулчлалын яамны Төрийн нарийн бичгийн даргаар албан тушаал, эрх мэдлийн давуу байдлаа ашиглан томилуулсан гэх тэнэмэл мэдээлэл ч байна. Э.Баттулгын хувьд Ерөнхий сайдын өгсөн үүрэг даалгавар биелүүлээгүй, мөн Б.Бат-Эрдэнэ сайдтайгаа ойлголцон ажиллаж чадаагүй гэх мэт шалтгаанаар чөлөөлөгдөж байгааг дуулгасан. Д.Тогтохсүрэнд хамаарах энэ мэт асуудал дэгдэж байгаа нь ч санамсаргүй хэрэг биш биз ээ.

ЗАСАГ ДАРГА Н.БАТСҮМБЭРЭЛ НҮҮРСНИЙ ХЭРЭГТ ТАТАГДАХ УУ
ЗАСАГ ДАРГА Н.БАТСҮМБЭРЭЛ НҮҮРСНИЙ ХЭРЭГТ ТАТАГДАХ УУ
 
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ