Энэ оны 6, 7-р саруудын байдлаар Богдхан уулын дархан цаазат газрын хамгаалалтын захиргаанаас тусгай хамгаалалттай газар нутагт хяналт шалгалт явуулж 28 иргэн аж ахуй нэгжид холбогдох зөрчилд Зөрчлийн тухай хуулийн 7.17 дугаар зүйлийн 1, 2 дахь хэсэгт заасны дагуу торгуулийн арга хэмжээг тооцон ажиллажээ.

Тухайн гаргасан зөрчил бүрд байгаль орчинд учруулсан хохирол үнэлгээг эрх бүхий байгууллагаар гаргуулж нийт 113 сая төгрөгийн нөхөн төлбөр 189 сая төгрөгийн торгууль, шийтгэл оногдуулаад байгаа аж. Цаашид Хамгаалалтын захиргаанаас Тусгай хамгаалалтай газар нутгийн тухай хууль тогтоомж, гэрээгээр хүлээсэн үүргээ биелүүлээгүй, байгаль орчныг бохирдуулсан газар ашиглагч иргэн, аж ахуйн нэгжүүдэд хууль тогтоомжид заасан хариуцлага хүлээлгэх, газар ашиглах эрхийг цуцлах саналыг төрийн захиргааны төв байгууллагад хүргүүлэн ажиллах болохыг мөн анхаарууллаа