Энэ мэдээ хуучирсан буюу 2023/09/13-нд нийтлэгдсэн мэдээ болно.

“ Элэг, бөөрнөөс гадна судас шөрмөс авах талаар дутуу хэлж буруу ойлгуулсан нь миний буруу“

Зам тээврийн ослын улмаас өнгөрсөн сард амиа алдсан эмэгтэйн элэг, бөөрийг донор болгох хүсэлтийг холбогдох албаныхнаас ар гэрийнхэнд нь тавьж, зөвшөөрснөөр донор болгосон ч гэрээнд тусгаснаас өөр эрхтнүүдийг нь буюу талийгаачийн өвдөг, шагайг зүсэж, шөрмөсийг нь авсан байж болзошгүй байна гэх асуудлаар ар гэрийнхний зүгээс хэвлэлд хандаад буй.

Тухайн асуудлаар Эрүүл мэндийн Хөгжлийн төвийн Эс, эд, эрхтэн шилжүүлэн суулгах үйл ажиллагааг зохицуулах албаны дарга П.Батчулуун хэвлэлд мэдээлэл өглөө.

П.Батчулуун: “Юуны өмнө Талийгаачийн эд, эрхтнийг зөвшөөрөлгүй авсандаа уучлалт хүсэж байна. Ар гэрийнхэн нь сайхан сэтгэл гаргаж "Элэг нэгт Монголчуудынхаа амийг аваръя" гээд талийгаачийг донор болгохыг зөвшөөрсөн. Элэг, бөөрнөөс гадна судас шөрмөсийг авах талаар дутуу хэлж буруу ойлгуулсан нь миний буруу боллоо.

Энэ гэр бүлийн гаргасан сайхан сэтгэлийн ачаар Монголын гурван иргэн элэг бөөр шилжүүлэн суулгах эмчилгээ хийлгэж, эмчилгээний дараах байдалтай бие нь сайжирч байгаа. Гэтэл төрийн байгууллага болон бидний уялдаа холбоогүйгээс болж та бүхнийг гомдоосондоо туйлын их харамсаж гэмшиж буйгаа илэрхийлье. Энэ нь биднийг цаашид илүү олон хүн аврах ажилд маань маш том сургамж боллоо.

Мөн донор болсны 3,5 сая төгрөгийн асуудал дээр Нийгмийн даатгалын үндэсний зөвлөлийн тогтоол дээр “АМЬГҮЙ ДОНОР БОЛЖ ЭД ЭРХТНЭЭ БУСДАД ШИЛЖҮҮЛСЭН ДААТГУУЛАГЧИЙН АР ГЭРТ” гэсэн заалт байсан. Энэ нь ажил хийж 36 сар нийгмийн даатгал төлсөн байх ёстой ч донорын хувьд харамсалтай нь тийм байгаагүй. Тийм учраас одоо бид энэ тогтоолыг өөрчлөхийн тулд Монгол Улсад иргэн хүн НДШ төлсөн төлөөгүй хамаагүй Хөдөлмөрийн хөлсний доод хэмжээг 10 дахин өсгөсөнтэй тэнцэхүйц хэмжээний мөнгө өгдөг болъё гэсэн саналыг оруулахаар бэлдээд явж байна” хэмээлээ.

Сүрьеэтэй тэмцэх чиглэлээр БНСУ-ын Сүрьеэгийн үндэсний нийгэмлэгтэй хамтарна
Сүрьеэтэй тэмцэх чиглэлээр БНСУ-ын Сүрьеэгийн үндэсний нийгэмлэгтэй хамтарна
 
МОНГОЛЫГ ДОРОЙТУУЛСАН ЭРХМҮҮД
МОНГОЛЫГ ДОРОЙТУУЛСАН ЭРХМҮҮД
Энэ мэдээ хуучирсан буюу 2023/09/13-нд нийтлэгдсэн мэдээ болно.