Нийслэлийн Засаг дарга бөгөөд Улаанбаатар хотын Захирагч Хишгээгийн Нямбаатарын ивээл дор, Нийслэлийн 385 жилийн ой, “Go Mongolia” үндэсний хөтөлбөрийн хүрээнд, нийслэлийн Соёл, урлагийн газар, Монголын Моно жүжгийн төв хамтран “Ялагчдын цуваа Улаанбаатар 2024” нэг хүний жүжгийн олон улсын уралдаант фестивалийг зохион байгуулах гэж байна.

Тус фестиваль 2024 оны 9 сарын 6-10-нд Тусгаар тогтнолын ордон, Улаанбаатар театрд тус тус болох бөгөөд Болгор, Албани, Итали, Косово, Тува, Кипр, Герман, Монгол Улсын уран бүтээлчдийн зургаан жүжиг таван өдрийн турш өрсөлдөх юм.