Тавантолгой түлш ХХК 2024-2025 оны галлагааны улирлын өвлийн бэлтгэл ажлаа хангаж Төвийн болон Зүүн үйлдвэрт үйлдвэрлэлийн 5 шугамаар хоног 2500 тонн шахмал түлш үйлдвэрлэж байна. Мөн Нийслэлийн 44 агуулахад 92 мянган тонн түлш нөөцлөөд байна. Энэ галлагааны улиралд нийслэлийн 7 дүүргийн хэмжээнд борлуулалтын 670 гэрээт цэг ажиллахаас өнөөдрийн байдлаар 630 цэгээр борлуулалт хийж байна. Сүүлийн өдрүүдэд хэвлэл мэдээллийн зарим хэрэгсэл, сошиал орчинд “Шахмал түлшний үнэ нэмэгдэнэ” гэх мэдээлэл гарах боллоо. Энэ нь ор үндэсгүй ташаа мэдээлэл болохыг хариуцлагатайгаар мэдэгдье. 25 кг-тай нэг шуудай шахмал түлш 3750 төгрөг, 1 тонн нь 150000 төгрөгөөр худалдаалагдаж байна. Иймд иргэд та бүхнийг ташаа мэдээлэлд автахгүй байхыг хүсье.