Нийслэлийг утаагүй болгох зорилгоор “Цэвэр агаар” сан байгуулж, Америкийн Мянганы сорилтын сангаас их хэмжээний мөнгө энэхүү санд байршуулан тодорхой төслүүдийг санхүүжүүлсэн билээ. Гэвч тус сангийн тэргүүнээр ажиллаж байсан Н.Хүрэлсүх нь ерөнхий нягтлан бодогч М.Хулан нартай хамтран мөнгө завшсан хэргээр ял эдэлж байгаа юм. Тэгвэл уг хэргийн хоёр дахь бүлэг асуудлууд шалгагдаж удахгүй шүүхэд шилжих ажээ. Тэдний хамсаатнаар өөр хүн бас нэмж шалгагдсан бөгөөд хэргийн сэжүүр нь үндсэндээ тогтоогдож байгаа юм байна. Прокуророос мэдээлснээр нэгэн компани руу тэд хууль бусаар 30 гаруй сая төгрөг шилжүүлсэн байв.  Мөн нүүрс нийлүүлэх нэрээр “ТАРА” компанийн данс руу  170 гаруй сая төгрөг нэмж шилжүүлсэн зэрэг нь  нотлогдож буй аж. Эдгээр мөнгөний шилжүүлгээс М.Хулан нь 90 орчим сая төгрөг хувьдаа авсан байжээ.

Б.Баяр

Эх сурвалж: Tumen.mn